________________ दीवसमुद्दा लवणसमुदं धायइसंडे णामं दीवे वट्टे वलयागारसंठाणसंठिए सव्वओ समंता संपरिक्खित्ताणं चिट्ठइ, धायइसंडे णं भंते ! दीवे किं समचक्कवालसंठिए विसमचक्कवालसंठिए ? गोयमा ! समचक्कवालसंठिए णो विसमचक्कवालसंठिए // धायइ. संडे णं भंते ! दीवे केवइयं चकवालविक्खंभेणं केवइयं परिक्खेवेणं पण्णत्ते ? गोयमा ! चत्तारि जोयणसयसहस्साई चक्कवालविक्खंभेणं एगयालीसं जोयणसयसहस्साइं दसजोयणसहस्साइं णवएगटे जोयणसए किंचिविसेसूणे परिक्खेवेणं पण्णत्ते // से णं एगाए पउमवरवेइयाए एगेणं वणसंडेणं सव्वओ समंता संपरिविखत्ते दोण्हवि वण्णओ दीवसमिया परिक्खेवेणं // धायइसंडस्स णं भंते ! दीवस्स कइ दारा पण्णत्ता 1 गोयमा ! चत्तारि दारा पणत्ता, तं०-विजए वेजयंते जयंते अपराजिए। कहि णं भंते ! धायइसंडस्स दीवस्स विजए णामं दारे पण्णत्ते ? गोयमा ! धायइसंडपुरस्थिमपेरंते कालोयसमुद्दपुरथिमद्धस्स पच्चत्थिमेणं सीयाए महाणईए उप्पिं एत्थ णं धायइ० विजए णामं दारे पण्णत्ते तं चेव पमाणं, रायहाणीओ अण्णंमि धायइसंडे दीवे, दीवस्स वत्तव्वया भाणियव्वा, एवं चत्तारिवि दारा भाणियव्वा // धायइसंडस्स णं भंते ! दीवस्स दारस्स य 2 एस णं केवइयं अबाहाए अंतरे पण्णत्ते ? गोयमा ! दस जोयणसयसहस्साई सत्तावीसं च जोयणसहस्साइं सत्तपणतीसे जोयणसए तिण्णि य कोसे दारस्स य 2 अबाहाए अंतरे पण्णत्ते // धाय इसंडस्स णं भंते ! दीवस्स पएसा कालोयगं समुदं पुट्टा ? हेता पुट्ठा // ते णं भंते ! किं धायइसंडे दीवे कालोए समुद्दे 1 ते धायइसंडे णो खलु ते कालोयसमुद्दे / एवं कालोय. स्सवि / धायइसंडद्दीवेणं भंते ! जीवा उद्दाइत्ता 2 कालोए समुद्दे पच्चायंति ? गोयमा! अत्थेगइया पच्चायंति अत्थेगइया णो पच्चायति / एवं कालोएवि अत्थे० प० अत्थेगइया णो पच्चायति // से केणटेणं भंते ! एवं बुच्चइ-धायइसंडे दीवे 2 1 गोयमा! धायइसंडे णं दीवे तत्थ 2 देसे 2 तहिं 2 बहवे धायहरुक्खा धायइवण्णा धायइसंडा णिच्चं कुसुमिया जाव' उवसोभेमाणा 2 चिट्ठति, धायइमहाधायहरुक्खेसु सुदंसणपियदंसणा दुवे देवा महिड्ढिया जाव पलिओवमहिइया परिवसंति से एएणटेणं०, अदुत्तरं च णं गोयमा! जाव णिच्चे॥ धायइसंडे णं भंते ! दीवे कइ चंदा पभासिंसु वा 3 1 कइ सूरिया तविंसु वा 3 1 कइ महग्गहा चारं चरिंसु वा 3 ? कइ णक्खत्ता
