________________ जीवाजीवाभिगमे प०३ 237 सेडीए एगमेगं जोयणसयसहस्सं विक्खंभेणं उवरि मुहमूले दस जोयणसहस्साई विक्खंभेणं // तेसि णं महापायालाणं कुड्डा सव्वत्थ समा दसजोयणसयबाहल्ला पग्णत्ता सव्ववइरामया अच्छा जाव पडिरूवा // तत्थ णं बहवे जीवा पोग्गला य अवकमंति विउक्कमति चयंति उवचयंति सासया णं ते कुड्डा दवट्ठयाए वण्णपजवेहि० असासया / / तत्थ णं चत्तारि देवा महिड्ढिया जाव पलिओवमट्टिइया परिवसंति, तंजहा-काले महाकाले लंबे पभंजणे // तेसि णं महापायालाणं तओ तिभागा पण्णत्ता, तंजहा-हेट्ठिल्ले तिभागे मझिल्ले तिभागे उवरिमे तिभागे // ते णं तिभागा तेत्तीसं जोयणसहस्सा तिण्णि य तेत्तीसं जोयणसयं जोयणतिभागं च बाहलेणं / तत्थ णं जे से हेछिल्ले तिभागे एत्थ णं वाउकाओ संचिट्ठइ, तत्थ णं जे से मज्झिल्ले तिभागे एत्थ णं वाउकाए य आउकाए य संचिट्ठइ, तत्थ णं जे से उवरिल्ले तिभागे एत्थ णं आउकाए संचिट्ठइ, अदुत्तरं च णं गोयमा ! लवणसमुद्दे तत्थ 2 देसे"बहवे खुड्डालिंजरसंठाणसंठिया खुड्डपायालकलसा पण्णत्ता, ते णं खुड्डा पायाला एगमेगं जोयणसहस्सं उव्वेहेणं मूले एगमेगं जोयणसयं विक्खंभेणं मज्झे एगपएसियाए सेढीए एगमैगं जोयणसहस्सं विक्खंभेणं उप्पि मुहमूले एगमेगं जोयणसयं विक्खंभेणं // तेसि णं खुड्डागपायालाणं कुड्डा सव्वत्थ समा दस जोयणाई बाहल्लेणं पण्णत्ता सव्ववइरामया अच्छा जाव पडिरूवा / तत्थ णं बहवे जीवा पोग्गला य जाव असासयावि, पत्तेयं 2 अद्धपलिओवमट्टिइयाहिं देवयाहिं परिग्गहिया / तेसि णं खुड्डागपायालाणं तओ तिभागा प०, तंजहा-हेढिल्ले तिभागे मझिल्ले तिभागे उवरिल्ले तिभागे, ते णं तिभागा तिणि तेत्तीसे जोयणसए जोयणतिभागं च बाहलेणं पण्णत्ते / तत्थ ण 'जे से हेहिले तिभागे एत्थ णं वाउकाओ मज्झिले तिभागे वाउकाए आउकाए य उवरिल्ले आउकाए, एवामेव सपुवावरेणं लवणसमुद्दे सत्त पायालसहस्सा अट्ट य चुलसीया पायालसया भवतीति मक्खाया। तेसि णं महापायालाणं खुड्डागपायालाण य हेट्ठिममज्झिमिल्लेसु तिभागेसु बहवे ओराला वाया संसेयंति संमुच्छिमंति एयंति चलंति कंपति खुब्भंति घट्टति पंदंति तं तं भावं परिणमंति तया णं से उदए उण्णामिज्जइ, जया णं तेसिं महापायालाणं खुड्डागपायालाण य हेट्ठिलमज्झिलेसु तिभागेसु णो बहवे ओराला जाव तं तं भावं ण परिणमंति तयाणं से उदए णो उण्णामिजइ अंतरावि य णं ते वायं उदीरोंत अंतरावि य णं से उदगे उण्णामिजइ अंतरावि य ते वाया णो उर्दीरंति अंतरावि य णं से उदगे णो उण्णामिजइ, एवं खलु गोयमा ! लवणसमुद्दे चाउद्दसट्टमुद्दिट्ट
