________________ 238 अनंगपविद्वसुत्ताणि . पुण्णमासिणीसु अइरेगं 2 वड्ढइ वा हायइ वा // 156 // लवणे णं भंते ! समुद्दे तीसाए मुहुत्ताणं कइखुत्तो अइरेगं 2 वड्ढइ वा हायइ वा ? गोयमा ! लवणे णं समुद्दे तीसाए मुहुत्ताणं दुक्खुत्तो अइरेगं 2 वड्ढइ वा हायइ वा // से केणटेणं भंते ! एवं वुच्चइ-लवणे णं समुद्दे तीसाए मुहुत्ताणं दुक्खुत्तो अइरेगं 2 वड्ढइ वा हायइ वा ? गोयमा ! उड्ढमंतेसु पायालेसु वड्ढइ आपूरिएसु पायालेसु हायइ,से तेणद्वेणं गोयमा ! लवणे.णं समुद्दे तीसाए मुहत्ताणं दुक्खुत्तो अइरेगं अइरेगं वड्ढइ वा हायइ वा // 157 // लवणसिहा णं भंते ! केवइयं चकवालविक्खंभेणं केवइयं अइरेगं 2 वड्ढइ वा हायइ वा ? गोयमा ! लवणसिहाए णं दस जोयणसहस्साई चकवालविक्खंभेणं देसूणं अद्धजोयणं अइरेगं 2 वड्ढइ वा हायइ वा // लवणस्स णं भंते ! समुद्दस्स कइ णागसाहस्सीओ अभितरियं वेलं धारंति ? कइ णागसाहस्सीओ बाहिरियं वेलं धरंति ? कइ णागसाहस्सीओ अग्गोदयं धरैति ? गोयमा! लवणसमुद्दस्स बायालीसं णागसाहस्सीओ अभितरियं वेलं धारति, बावत्तरि णागसाहस्सीओ बाहिरियं वेलं धारति, सढेि णागसाहस्सीओ अग्गोदयं धारेंति, एवामेव सपुत्वावरेणं एगा णागसयसाहस्सी चोवत्तरं च णागसहस्सा भवंतीति मक्खाया // 158|| कइ णं भंते ! वेलंधरा णागराया पण्णत्ता ? गोयमा! चत्तारि वेलंधरा णागराया पण्णत्ता, तंजहा-गोथूभे सिवए संखे मणोसिलए // एएसि णं भंते ! चउण्हं वेलंधरणागरायाणं कइ आवासपव्वया पण्णत्ता ? गोयमा ! चत्तारि आवासपव्वया पण्णत्ता, तंजहा-गोथूभे उदगभासे संखे दगसीमाए // कहि णं भंते ! गोथूभस्स वेलंधरणागरायस्स गोथूभे णामं आवासपव्वए पण्णत्ते ? गोयमा ! जंबूदीवे दीवे मंदरस्स प० पुरस्थिमेणं लवणं समुदं बायालीसं जोयणसहस्साई ओगाहित्ता एत्थ. णं गोथूभस्स वेलंधरणागरायस्स गोथूभे णामं आवासपव्वए पण्णत्ते सत्तरसएकवीसाइं जोयणसयाई उड्ढं उच्चत्तेणं चत्तारि तीसे जोयणसए कोसं च उव्वेहेणं मूले दसबावीसे जोयणसए आयामविक्खंभेणं मज्झे सत्ततेवीसे जोयणसए उवरिं चत्तारि चउवीसे जोयणसए आयामविक्खंभेणं मूले तिण्णि जोयणसहस्साई दोण्णि य बत्तीसुत्तरे जोयणसए किंचिविसेसूणे परिक्खेवेणं मझे दो जोयणसहस्साइं दोण्णि य छलसीए जोयणसए किंचिविसेसाहिए परिक्खेवेणं उवरि एगं जोयणसहस्सं तिण्णि य ईयाले जोयणसए किंचिविसेसूणे परिक्खेवेणं मूले वित्थिण्णे मज्झे संखित्ते उप्पिं तणुए गोपुच्छसंठाणसंठिए सव्वकणगामए अच्छे जाव पडिरूवे // से णं एगाए पउमवर
