________________ .. जीवाजीवाभिगमे प० 3 229 यासु बहूई उम्पलाई 2 जाव सयसहस्सपत्ताई जमगप्पभाई जमगवण्णाई, जमगा य एत्थ दो देवा महिड्ढिया जाव पलिओवमट्टिईया परिवसंति, ते णं तत्थ पत्तेयं 2 चउण्हं सामाणियसाहस्सीणं जाव जमगाणं पव्वयाणं जमगाण य रायहाणीणं अण्णेसिं च बहणं वाणमंतराणं देवाण य देवीण य आहेवच्च जाव पालेमाणा विह. रंति, से तेणटेणं गोयमा ! एवं० जमगपव्वया 2, अदुत्तरं च णं गोयमा ! जाव णिच्चा // कहि णं भंते ! जमगाणं देवाणं जमगाओ णाम रायहाणीओ पण्णत्ताओ? गोयमा ! जमगाणं पव्वयाणं उत्तरेणं तिरियमसंखेजे दीवसमुद्दे वीइवइत्ता अण्णंमि जंबुद्दीवे 2 बारस जोयणसहस्साई ओगाहित्ता एत्थ णं जमगाणं देवाणं जमगाओ णाम रायहाणीओ पण्णत्ताओ बारसजोयणसहस्स जहा विजयस्स जाव महिड्ढिया० जमगा देवा जमगा देवा // 148 // कहि णं भंते ! उत्तरकुराए 2 णीलवंतद्दहे णाम दहे पण्णत्ते ? गोयमा ! जमगपव्वयाणं दाहिणेणं अट्ठचोत्तीसे जोयणसए चत्तारि सत्तभागा जोयणस्स अबाहाए सीयाए महाणईए बहुमज्झदेसभाए एत्थ णं उत्तरकुराए 2 णीलवंतद्दहे णाम दहे पण्णत्ते, उत्तरदक्षिणायए पाईणपडीणविच्छिण्णे एगं जोयणसहस्सं आयामेणं पंच जोयणसयाई विक्खंभेणं दस जोयणाई उव्वेहेणं अच्छे सण्हे रययामयकूले चउक्कोणे समतीरे जाव पडिरूवे उभओ पासिं दोहिं पउमवरवेइयाहिं वणसंडेहि य सव्वओ समंता संपरिक्खित्ते दोण्हवि वण्णओ // णीलवंतदहस्स णं दहस्स तत्थ 2. जाव बहवे तिसोवाणपडिरूवगा पण्णत्ता, वण्णओ भाणियव्यो जाव तोरणत्ति // तस्स णं णीलवंतद्दहस्स णं दहस्स बहुमज्झदेसभाए एत्थ णं एगे महं पउमे पण्णत्ते, जोयणं आयामविक्खंभेणं तं तिगुणं सविसेसं परिक्खेवेणं अद्धजोयणं बाहल्लेणं दस जोयणाई उव्वे हेणं दो कोसे ऊसिए जलंताओ साइरेगाई दसद्धजोयणाई सव्वग्गेणं पण्णत्ते // तस्स णं पउमस्स अयमेयारूवे वण्णावासे पण्णत्ते, तंजहा-वइरामया मूला रिट्ठामए कंदे वेरुलियामए णाले वेरुलियामया बाहिरपत्ता जंबूणयमया अभितरपत्ता तवणिजमया केसरा कणगामई कण्णिया णाणामणिमया पुक्खरस्थिभुगा / / सा णं कण्णिया अद्धजोयणं आयामविक्खंभेणं तं तिगुणं सविसेसं परिक्खेवेणं कोसं बाहलेणं सव्वप्पणा कणगामई अच्छा सहा जाव पडिरूवा // तीसे णं कण्णियाए. उवरि बहुसमरमणिजे देसभाए पण्णत्ते जाव मणी हिं० / / तस्स णं बहुसमरमणिजस्स भूमिभागस्स बहुमज्झदेसभाए एत्थ णं एगे महं भवणे पण्णत्ते, कोसं आयामेणं अद्धकोसं विक्खंभेणं देसूर्ण कोसं उड्ढं उच्चत्तेणं अणेग
