________________ . जीवाजीवाभिगमे प०३ 227 सच्चेव सव्वा वत्तव्वया जाव णिच्चे / कहि णं भंते !0 रायहाणी ? दाहिणेणं जाव वेजयंते देवे 2 // कहि णं भंते ! जंबुद्दीवस्स 2 जयंते णामं दारे पण्णत्ते ? गोयमा! जंबुद्दीवे 2 मंदरस्स पव्वयस्स पञ्चत्थिमेणं पणयालीसं जोयणसहस्साई जंबुद्दीवपच्चथिमपरंते लवणसमुद्दपच्चत्थिमद्धस्स पुरच्छिमेणं सीओयाए महाणईए उप्पि एत्थ णं जंबुद्दीवस्स दीवस्स जयंते णामं दारे पण्णत्ते, तं चेव से पमाणं जयंते देवे पच्चत्थिमेणं से रायहाणी जाव महिड्ढिए० / कहि णं भंते ! जंबुद्दीवस्स 2 अपराइए णाम दारे पण्णत्ते ? गोयमा ! मंदरस्स पव्वयस्स उत्तरेणं पणयालीसं जोयणसहस्साई अबाहाए जंबुद्दीवे 2 उत्तरपेरंते लवणसमुद्दस्स उत्तरद्धस्स दाहिणेणं एत्थ णं जंबुद्दीवे 2 अपराइए णामं दारे पण्णत्ते तं चेव पमाणं रायहाणी उत्तरेणं जाव अपराइए देवे, चउण्हवि अण्णंमि जंबुद्दीवे // 144 // जंबुद्दीवस्स णं भंते ! दीवस्स दारस्स य दारस्स य एस णं केवइयं अबाहाए अंतरे पण्णत्तें ? गोयमा ! अउणासीइं जोयणसहस्साई बावण्णं च जोयणाई देसूणं च अद्धजोयणं दारस्स य 2 अबाहाए अंतरे पण्णत्ते / / 145 // जंबुद्दीवस्स णं भंते ! दीवस्सं पएसा लवणं समुदं पुट्ठा ? हंता पुट्ठा // ते णं भंते ! कि जंबुद्दीवे 2 लवणसमुद्दे ? गोयमा ! जंबुद्दीवे दीवे णो खलु ते लवणसमुद्दे // लवणस्स णं भंते ! समुद्दस्स पएसा जंबुद्दीवं दीवं पुट्ठा ? हंता पुट्ठा। ते णं भंते ! किं लवणसमुढे जंबुद्दीवे दीवे ? गोयमा! लवणे णं ते समुद्दे णो खलु ते जंबुहीवे दीवे // जंबुद्दीवे णं भंते ! दीवे जीवा उद्दाइत्ता 2 लवणसमुद्दे पञ्चायंति ? गोयमा! अत्थेगइया पच्चायंति अत्थेगइया णो पच्चायति // लवणे णं भंते ! समुद्दे जीवा उद्दाइत्ता 2 जंबुद्दीवे 2 पच्चायति ? गोयमा ! अत्थेगुइयां पच्चायति अत्थेगइया णो पच्चायंति // 146 // से केणटेणं भंते ! एवं वुच्चइ-जंबुद्दीवे 2 ? गोयमा! जंबुद्दीवे 2 मंदरस्स पव्वयस्स उत्तरेणं णीलवंतस्स वासहरपव्वयस्स दाहिणेणं मालवंतस्स ववखारपव्ययस्स पच्चत्थिमेणं गंधमायणस्स ववखारपव्वयस्स पुरस्थिमेणं एत्थ णं उत्तरकुरा णाम कुरा पण्णत्ता, पाईणपडीणायया उदीणदाहिणवित्थिण्णा अद्धचंदसंठाणसंठिया एक्कारस जोयणसहस्साइं अट्ठ बायाले जोयणसए दोण्णि य एगूणवीसइभागे जोयणस्स विक्खंभेणं // तीसे जीवा उत्तरओ पाईणपडीणायया दुहओ ववखारपव्वयं पुट्ठा, पुरथिमिल्लाए कोडीए पुरस्थिमिल्लं वक्खारपव्वयं पुढा, पच्चथिमिल्लाए कोडीए पच्चथिमिलं वक्खारपव्वयं पृट्ठा, तेवण्णं जोयणसहस्साइं आयामेणं, तीसे धणुपटुं दाहिणेणं सहिँ जोयणसहस्साइं चत्तारि य अहारसुत्तरे जोयणसए दुवालस
