________________ 226 अनंगपविट्ठसुत्ताणि आयंते चोक्खे परमसुइभूए गंदापुक्खरिणीओ पच्चुत्तरइ पच्चुत्तरित्ता जेणेव सभा सुहम्मा तेणेव पहारेत्थ गमणाए / तए णं से विजए देवे चउहिं सामाणियसाहस्सीहिं जाव सोलसहिं आयरक्खदेवसाहस्सीहिं सव्विड्ढीए जाव णिग्घोसणाइयरवेणं जेणेव सभा सुहम्मा तेणेव उवागच्छइ 2 त्ता सभं सुहम्मं पुरथिमिल्लेणं दारेणं अणुपविसइ 2 त्ता जेणेव मणिपेढिया तेणेव उवागच्छइ 2 त्ता सीहासणवरगए पुरच्छाभिमुहे सण्णिसण्णे // 142 // तए णं तस्स विजयस्स देवस्स चत्तारि सामाणियसाहस्सीओ अवरुत्तरेणं उत्तरेणं उत्तरपुरच्छिमेणं पत्तेयं 2 पुव्वणत्थेसु भद्दासणेसु णिसीयंति / तए णं तस्स विजयस्स देवस्स चत्तारि अग्गमहिसीओ पुरस्थिमेणं पत्तेयं 2 पुव्वणत्थेसु भद्दासणेसु णिसीयंति / तए णं तस्स विजयस्स देवस्स दाहिणपुरथिमेणं अभितरियाए परिसाए अट्ठ देवसाहस्सीओ पत्तेयं 2 जाव णिसीयंति / एवं दक्खिणेणं मज्झिमियाए परिसाए दस देवसाहस्सीओ जाव णिसीयंति / दाहिणपचत्थिमेणं बाहिरियाए परिसाए बारस देवसाहस्सीओ पत्तेयं 2. जाव णिसीयंति / तए णं तस्स विजयस्स देवस्स पच्चत्थिमेणं सत्त अणियाहिवई पत्तेयं 2 जाव णिसीयंति / तए णं तस्स विजयस्स देवस्स पुरथिमेणं दाहिणेणं पचत्थिमेणं उत्तरेणं सोलस आयरक्खदेवसाहस्सीओ पत्तेयं 2 पुव्वणत्थेसु भद्दासणेसु णिसीयंति, तंजहा–पुरस्थिमेणं चत्तारि साहसीओ जाव उत्तरेणं 4 // ते णं आयरक्खा सण्णद्धबद्धवम्मियकवया उप्पीलियसरासणपट्टिया पिणद्धगेवेजविमलवरचिंधपट्टा गहियाउहप्पहरणा तिणयाई तिसंधीणि वइरामया कोडीणि धणूइं अभिगिज्झ परियाइयकंडकलावा णीलपाणिणो पीयपाणिणो रत्तपाणिणो चावपाणिणो चारुपाणिणो चम्मपाणिणो खग्गपाणिणो दंडपाणिणो पासपाणिणो णीलपीयरत्तचावचारुचम्मखग्गदंडपासवरधरा आयरक्खा रक्खोवगा गुत्ता गुत्तपालिया जुत्ता जुत्तपालिया पत्तेयं 2 समयओ विणयओ किंकरभूयाविव चिट्ठति / / विजयस्स णं भंते ! देवस्स केवइयं कालं ठिई पण्णत्ता ? गो० ! एगं पलिओवमं ठिई पण्णत्ता, विजयस्स णं भंते ! देवस्स सामाणियाणं देवाणं केवइयं कालं ठिई पण्णत्ता ? गोयमा ! एगं पलिओवमं ठिई पण्णत्ता, एवंमहिड्ढिए एवंमहज्जुइए एवंमहब्बले एवंमहायसे एवंमहासुक्खे एवंमहाणुभागे विजए देवे 2 // 143 // कहि णं भंते ! जंबुद्दीवस्स.२ वेजयंते णामं दारे पण्णत्ते ? गोयमा ! जंबुद्दीवे 2 मंदरस्स पव्वयस्स दक्खिणेणं पणयालीसं जोयणसहस्साई अबाहाए जंबुद्दीवदीवदाहिणपेरंते लवणसमुद्ददाहिणद्धस्स उत्तरेणं एत्थ णं जंबुद्दीवस्स 2 वेजयंते णामं दारे पण्णते अट्ठ जोयणाई उड्ढे उच्चत्तेणं
