________________ जीवाजीवाभिगमे प०३ 221 रक्खदेवसाहस्सीणं विजयस्स देवस्स विजयाए रायहाणीए अण्णेसिं च बहूणं विजयरायहाणिवत्थव्वाणं वाणमंतराणं देवाणं देवीणं य आहेवच्च जाव आणाईसरसेणावच्चं कारेमाणे पालेमाणे विहराहित्तिकटु महया 2 सद्देणं जयजयसई पउंजंति // 141 // तए णं से विजए देवे महया 2 इंदाभिसेएणं अभिसित्ते समाणे सीहासणाओ अब्भुट्टेइ सीहासणाओ अब्भुढेत्ता अभिसेयसभाओ पुरथिमेणं दारेणं पडिणिक्खमइ 2 त्ता जेणामेव अलंकारियसभा तेणेव उवागच्छइ 2 त्ता अलंकारियसभं अणुप्पयाहिणी करेमाणे 2 पुरस्थिमेणं दारेणं अणुपविसइ पुरथिमेणं दारेणं अणुपविसित्ता जेणेव सीहासणे तेणेव उवागच्छइ 2 त्ता सीहासणवरगए पुरत्थाभिमुहे सण्णिसण्णे, तए णं तस्स विजयस्स देवस्स सामाणियपरिसोचवण्णगा देवा आभिओगिए देवे सद्दावेति 2 त्ता एवं वयासी-खिप्पामेव भो देवाणुप्पिया ! विजयस्स देवस्स अलंकारियं भंडं उवणेह, तए णं ते अलंकारियं भंडं जाच उचट्ठति // तए णं से विजए देवे तप्पटमयाए पम्हलसूमालाए दिव्वाए सुरभीए गंधकासाईए गायाइं लूहेइ गायाई लूहेत्ता सरसेणं गोसीसचंदणेणं गायाइं अणुलिंपइ सरसेणं गोसीसचंदणेणं गायाई अणुलिंपेत्ता तओऽणंतरं च णं णासाणीसासवायवोझं चक्खुहरं वण्णफरिसजुत्तं हयलालापेलवाइरेगं धवलं कणगखइयंतकम्मं आगासफलिहसरिसप्पभं अहयं दिव्वं देवदूसजुयलं णियंसेइणियंसेत्ता हारं पिणि इ हारं पिणिवेत्ता अद्धहारं पिणद्धेइ अद्ध० एवं एगावलिं पिणिधेइ एगावलिं पिणिधेत्ता एवं एएणं अभिलावेणं मुत्तावलि कणगावलिं रयणावलिं कडगाई तुडियाइं अंगयाइं केऊराइं दसमुदियाणंतगं कडिसुत्तगं वेयच्छिसुत्तगं मुरवि कंठमुरविं पालंबं कुंडलाइं चूडामणि चित्तरयणुक्कडं मउडं पिणिधेइ पिणिधित्ता गंठिमवेढिमपूरिमसंघाइमेणं चउविहेणं मल्लेणं कप्परुक्खयंपिव अप्पाणं अलंकियविभूसियं करेइ कप्परुक्खयंपिव अप्पाणं अलंकियविभूसियं करेत्ता ददरमलयसुगंधगंधिएहिं गंधेहिं गायाइं सुक्किडइ 2 त्ता दिव्वं च सुमणदामं पिणिद्धइ / / तए णं से विजए देवे केसालंकारेणं वत्थालंकारेणं मल्लालंकारेणं आभरणालंकारेणं चउविहेणं अलंकारेणं अलंकियविभूसिए समाणे पडिपुण्णालंकारे सीहासणाओ अब्भुटेइ 2 त्ता अलंकारियसभाओ पुरथिमिल्लेणं दारेणं पडिणिक्खमइ 2 त्ता जेणेव ववसायसभा तेणेव उवागच्छइ 2 त्ता ववसायसभं अणुप्पयाहिणं करेमाणे 2 पुरथिमिल्लेणं दारेणं अणुपविसइ 2 त्ता जेणेव सीहासणे तेणेव उवागच्छइ 2 त्ता सीहासणवरगए पुरस्थाभिमुहे सण्णिसण्णे / तए णं तस्स विजयस्स देवस्स आभि.
