________________ 222 अनंगपविट्ठसुत्ताणि ओगिया देवा पोत्थयरयणं उवणेति // तए णं से विजए देवे पोत्थयरयणं गेण्हइ 2 त्ता पोत्थयरयणं मुयइ पोत्थयरयणं मुएत्ता पोत्थयरयणं विहाडेइ पोत्थयरयणं विहाडेत्ता पोत्थयरयणं वाएइ पोत्थयरयणं वाएत्ता धम्मियं ववसायं पंगेण्हइ धम्मियं ववसायं पगेण्हित्ता पोत्थयरयणं पडिणिक्खिवेइ 2 त्ता सीहासणाओ अब्भुटेइ 2 त्ता ववसायसभाओ पुरथिमिल्लेणं दारेणं पडिणिक्खमइ 2 त्ता जेणेव गंदापुक्खरिणी तेणेव उवागच्छइ 2 त्ता गंदं पुक्खरिणिं अणुप्पयाहिणीकरेमाणे पुरथिमिल्लेणं दारेणं अणुपविसइ 2 त्ता पुरथिमिल्लेणं तिसोवाणपडिरूवगएणं पच्चोरहइ 2 त्ता हत्थं पादं पक्खालेइ 2 त्ता एगं महं सेयं रययामयं विमलसलिलपुण्णं मत्तगयमहामुहाकितिसमाणं भिंगारं पगिण्हइ भिंगारं पगिण्हित्ता जाइं तत्थ उप्पलाई पउमाइं जाव सयसहस्सपत्ताई ताई गिण्हइ 2 त्ता गंदाओ पुक्खरिणीओ पच्चुत्तरेइ 2 त्ता जेणेव सिद्धायतणे तेणेव पहारेत्थ गमणाए // तएणं तस्स विजयस्स देवस्स चत्तारि सामाणियसाहस्सीओ जाव अण्णे य बहवे वाणमंतरा देवा य देवीओ य अप्पेगइया उप्पलहत्थगया जाव हत्थगया विजयं देवं पिट्ठओ पिट्ठओ अणुगच्छंति / / तएणं तस्स विजयस्स देवस्स बहवे आमिओगिया देवा देवीओ य कलसहत्थगया जाव धूवकडुच्छयहत्थगया विजयं देवं पिट्ठओ 2 अणुगच्छंति / तए णं से विजए देवे चउहिँ सामाणियसाहस्सीहिं जाव अण्णे हि य बहूहिँ वाणमंतरेहिं देवेहि य देवीहि य सद्धि संपरिवुडे सव्विड्ढीए सव्वजुत्तीए जाव णिग्घोसणाइयरवेणं जेणेव सिद्धाययणे तेणेव उवागच्छइ 2 त्ता सिद्धायतणं अणुप्पयाहिणी करेमाणे 2 पुरथिमिल्लेणं दारेणं अणुपविसइ अणुपविसित्ता जेणेव देवच्छंदए तेणेव उवागच्छइ २त्ता आलोए जिणपडिमाणं पणामं करेइ 2 त्ता लोमहत्थगं गेण्हइ लोमहत्थगं गेण्हित्ता जिणपडिमाओ लोमहत्थएणं पमजइ 2 ता सुरभिणा गंधोदएणं ण्हाणेइ 2 त्ता दिव्वाए सुरभिगंधकासाइए गायाइं लूहेइ 2 त्ता सरसेणं गोसीसचंदणेणं गायाणि अणुलिंपइ अणुलिंपेत्ता जिणपडिमाणं अहयाई सेयाइं दिव्वाइं देवदूसजुयलाई णियंसेइ णियंसेत्ता अग्गेहिं वरेहि य गंधेहि य मल्लेहि य अच्चेइ 2 त्ता पुप्फारुहणं गंधारुएणंमल्लारुहणं वण्णारुहणं चुण्णारुहणं आभरणारुहणं करेइ 2 त्ता आसत्तोसत्तविउलवट्टवग्धारियमल्लदाम०करेइ 2 त्ता अच्छेहिं सण्हेहिं सेएहि ]रययामएहिं अच्छरसातदुलेहिं जिणपडिमाणं पुरओ अट्ठमंगलए आलिहइ सोत्थियसिस्विच्छ जाव दप्पण अट्ठमंगलए आलिहइ 2 त्ता कयग्गाहग्गहियकरतल-पन्भट्ठ-विप्पमुक्केणं दसद्धवण्णेणं
