________________ ओववाइयसुत्तं अंडगप्पमाणमेत्ते कवले आहारमाणे अप्पाहारे, दुवालसकुक्कुडिअंडगप्पमाणमेत्ते कवले आहारमाणे अवड्ढोमोयरिया, सोलसकुक्कुडिअंडगप्पमाणमेत्ते कवले आहारमाणे दुभागपत्तोमोयरिया, चउव्वीसकुक्कुडिअंडगप्पमाणमेत्ते कवले आहारमाणे पत्तोमोयरिया, एकतीसकुक्कुडिअंडगप्पमाणमेत्ते कवले आहारमाणे किंचूणोमोयरिया बत्तीसकुक्कुडिअंडगप्पमाणमेत्ते कवले आहारमाणे पमाणपत्ता एत्तो एगेणवि घासेणं ऊणयं आहारमाहारेमाणे समणे णिग्गंथे णो पकामरसभोईत्ति वत्तव्वं सिया, से तं भत्तपाणदव्योमोयरिया, से तं दव्वोमोयरिया। से किं तं भावोमोयरिया ? 2 अणेगविहा पण्णत्ता, तंजहा-अप्पकोहे अप्पमाणे अप्पमाए अप्पलोहे अप्पसद्दे अप्पझंझे, से तं भावोमोयरिया, से तं ओमोयरिया / से किं तं भिक्खायरिया ? 2 अणेगविहा पण्णत्ता, तंजहा-दव्वाभिन्गहचरए खेत्ताभिग्गहचरए कालाभिग्गहचरए भावाभिग्गहचरए उक्खित्तचरए णिक्खित्तचरए उक्खित्तणिक्खित्तचरए णिक्खित्तउक्खित्तचरए वटिजमाणचरए साहरिजमाणचरए उवणीयचरए अवणीयचरए उवणीयअवणीयचरए अवणीयउवणीयचरए संसहचरए असंसहचरए तजायसंसहचरए अण्णायचरए मोणचरए दिहलाभिए अदिठ्ठलाभिए पुलाभिए अपुट्ठलाभिए भिक्खालाभिए अभिक्खलाभिए अण्णगिलायए ओवणि हिए परिमियपिंडवाइए सुद्धेसणिए संखायत्तिए,से तं भिक्खायरिया। से किं तं रसपरिच्चाए 12 अणेगविहे पण्णत्ते, तंजहा-णिव्वि(य)तिए पणीयरसपरिच्चाए आयंबिलए आयामसित्थभोई अरसाहारे विरसाहारे अंताहारे पंताहारे लूहाहारे, से तं रसपरिच्चाए / से किं तं कायकिलेसे ? 2 अणेगविहे पण्णत्ते, तंजहा-ठाणट्टिइए ठाणाइए उक्कुडुआसणिए पडिमहाई वीरासणिए णेसजिए दंडायए लउडसाई आयावए अवाउडए अकंडुयए अणिठ्ठहए सव्वगायपरिकम्मविभूसविप्पमुक्के, से तं कायकिलेसे / से किं तं पडिसलीणया ? 2 चउव्विहा पण्णत्ता, तंजहा-इंदियपडिसंलीणया कसायपडिसंलीणया जोगपडिसंलीणया विवित्तसयणासणसेवणया, से किं तं इंदियपडिसंलीण्या ? 2 पंचविहा पण्णत्ता, तंजहा-सोइंदियविसयप्पयारणिरोहो ' वा सोइंदियविसयपत्तेसु अत्थेसु रागदोसणिग्गहो वा चविखदियविसयप्पयारणिरोहो वा चविखदियविसयपत्तेसु अत्थेसु रागदोसणिन्गहो वा घाणिदियविसयप्पयारणिरोहो वा घाणिदियविसयपत्तेसु अत्थेसु रागदोसणिग्गहो वा जिभिदियविसयप्पयारणिरोहो वा जिभिदियविसयपत्तेसु अत्थेसु रागदोसणिग्गहो वा फासिंदियविसयप्पयारणिरोहो
