________________ अनंगपविट्ठसुत्ताणि विप्पमुक्का मंदर इव अप्पकंपा सारयसलिलं व सुद्धहियया खम्गिविसाणं व एगजाया भारंडपक्खी व अप्पमत्ता कुंजरो इव सोंडीरा वसभो इव जांयत्थामा सीहो इव दुद्धरिसा वसुंधरा इव सव्वफासविसहा सुहृययासणे इव तेयसा जलंता णन्थि णं तेसिंणं भगवंताणं कत्थह पडिबंधे भवइ, से य पडिबंधे चउविहे पण्णत्ते, तंजहादव्वओ खित्तओ कालओ भावओ, दवओणं सचित्ताचित्तमीसिएसु दव्वेसु, खेत्तओ गामे वा णयरे वा रणे वा खेत्ते वा खले वा घरे वा अंगणे वा, कालओ समए वा आवलियाए वा जाव अयणे वा अण्णयरे वा दीहकालसंजोगे, भावओ कोहे वा माणे वा मायाए वा लोहे वा भए वा हासे वा एवं तेसिं ण भवइ / ते णं भगवंतो वासावासवजं अह गिम्हहेमंतियाणि मासाणि गामे एगराइया णयरे पंचराइया वासीचंदणसमाणकप्पा समलेढुकंचणा समसुहदुक्खा इहलोगपरलोगअप्पडिबद्धा संसारपारगामी कम्मणिग्घायणहाए अब्भुट्ठिया. विहरंति // 16 // तेसि णं भगवंताणं एएणं विहारेणं विहरमाणाणं इमे एयारूवे अभितरबाहिरए तवोवहाणे होत्था, तंजहा—अभितरए छविहे बाहिरएवि छविहे // 17 // से किं तं बाहिरए ? 2 छविहे प०, तंजहा—अणसणे ऊणो(अवमो)यरिया भिक्खायरिया रसपरिच्चाए कायकिलेसे पडिसंलीणया / से किं तं अणसणे ? 2 दुविहे पण्णत्ते, तंजहा-इत्तरिए य आवकहिए य / से किं तं इत्तरिए ? 2 अणेगविहे पण्णत्ते, तंजहाचउत्थभत्ते छठभत्ते अहमभत्ते दसमभत्ते बारसभत्ते चउद्दसभत्ते सोलसभत्ते अद्धमासिए भत्ते मासिए भत्ते दोमासिए भत्ते तेमासिए भत्ते चउमासिए भत्ते पंचमासिए भत्ते छम्मासिए भत्ते, से तं इत्तरिए / से किं तं आवकहिए ? 2 दुविहे पण्णत्ते, तंजहा---पाओवगमणे य भत्तपच्चक्खाणे य। से किं तं पाओवगमणे 12 दुविहे पण्णत्ते, तंजहा-वाघाइमे य णिव्वाघाइमे य णियमा अप्पडिकम्मे, से तं पाओवगमणे / से किं तं भत्तपच्चक्खाणे ? 2 दुविहे पण्णत्ते, तंजहा—वाघाइमे य णिव्वाघाइमे य णियमा सप्पडिकम्मे, से तं भत्तपञ्चक्खाणे, से तं अणसणे / से किं तं ओमोयरिया ? 2 दुविहा पण्णत्ता, तंजहा-दव्योमोयरिया य भावोमोयरिया य, से किं तं दव्योमोयरिया ? 2 दुविहा पण्णत्ता, तंजहा-उवगरणदव्योमोयरिया य भत्त. पाणदव्योमोयरिया य / से किं तं उवगरणदव्वोमोयरिया ? 2 तिविहा पण्णत्ता, तंजहा-एगे वत्थे एगे पाए चियत्तोवगरणसाइजणया, से तं उवगरणदव्योमोयरिया। से किं तं भत्तपाणदव्योमोयरिया 12 अणेगविहा पण्णत्ता, तंजहा-अहकुक्कुडि
