________________ 12 अनंगपविट्ठसुत्ताणि वा फासिंदियविसयपत्तेसु अत्थेसु रागदोसणिग्गहो वा, से तं इंदियपडिसंलीणया / से किं तं कसायपडिसंलीणया ? 2 चउव्विहा पण्णत्ता, तंजहा–कोहस्सुदयणिरोहो वा उदयपत्तस्स वा कोहस्स विफलीकरणं माणस्सुदयणिरोहो वा उदयपत्तस्स वा माणस्स विफलीकरणं मायाउदयणिरोहो वा उदयपत्ताए वा मायाए विफलीकरणं लोहस्सुदयणिरोहो वा उदयपत्तस्स वा लोहस्स विफलीकरणं, से तं कसायपडिसंलीणया ? से किं तं जोगपडिसंलीणया ? 2 तिविहा पण्णत्ता, तंजहा-मणजोगपडिसंलीणया वयजोगपडिसंलीणया कायजोगपडिसंलीणया। से किं तं मणजोगपडिसंलीणया ? 2 अकुसलमणणिरोहो वा कुसलमणउदीरणं वा, से तं मणजोगपडिसंलीणया। से किं तं वयजोगपडिसलीणया ? 2 अकुसलवयाणिरोहो वा कुसलवयउदीरणं वा, से तं वयजोगपडिसलीणया / से किं तं कायजोगपडिसंलीणया ? 2 जणं सुसमाहियपाणिपाए कुम्मो इव गुत्तिदिए सव्वगायपडिसंलीणे चिदृइ, से तं कायजोगपडिसंलीणया / से किं तं विवित्तसयणासणसेवणया ? 2 जं णं आरामेसु उजाणेसु देवकुलेसु सभासु पवासु पणियगिहेसु पणियसालासु इत्थीपसुपंडगसंसत्तविरहियासु वसहीसु फासुएसणिजपीढफलगसेजासंथारगं उवसंपजित्ता णं विहरइ, से तं पडिसंलीणया, से तं बाहिरए तवे // 18 // से किं तं अभितरए तवे 12 छविहे पण्णत्ते, तंजहा-पायच्छित्तं विणओ वेयावच्चं सज्झाओ झाणं विउस्सग्गो। से किं तं पायच्छित्ते ? 2 दसविहे पण्णत्ते, तंज़हा-आलोयणारिहे पडिक्कमणारिहे तदुभयारिहे विवेगारिहे विउस्सग्गारिहे तवारिहे छेयारिहे मूलारिहे अणवहापारिहे पारंचियारिहे, से तं पायच्छित्ते / से किं तं विणए ? 2 सत्तविहे पण्णत्ते, तंजहा–णाणविणए दंसणविणए चरित्तविणए मणविणए वइविणए कायविणए लोगोवयारविणए ? से किं तं णाणविणए ? 2 पंचविहे पण्णत्ते, तंजहा-आभिणिबोहियणाणविणए सुयणाणविणए ओहिणाणविणए मणपजवणाणविणए केवलणाणविणए से तं णाणविणए / से किं तं दंसणविणए ? 2 दुविहे पण्णत्ते, तंजहा–सुस्सूसणाविणए अणच्चासायणाविणए / से किं तं सुस्सूसणाविणए ? २अणेगविहे पण्णत्ते, तंजहा-अब्भुट्टाणे इ या आसणाभिग्गहे इ वा आसणप्पयाणे इ वा सक्कारे इ वा सम्माणे इ वा किंइकम्मे इ वा अंजलिपग्गहे इ वा एतस्स अणुगच्छणया ठियस्स पज्जुवासणया गच्छंतस्स पडिसंसाहणया, से तं सुस्सूसणाविणए // से किं तं अणच्चासायणाविणए ? 2 पणयालीसविहे पण्णत्ते, तंजहा-अरहंताणं अणच्चासायणया अरहंतपण्णत्तस्स धम्मस्स
