________________ ___ जीवाजीवाभिगमे प० 3 181 एगूरुयदीवे दीवे गामाइ वा णगराइ वा जाव सण्णिवेसाइ वा ? णो इणढे समढे, जहिच्छियकामगामिणो ते मणुयगणा पण्णत्ता समणाउसो!। अस्थि णं भंते ! एगूस्यदीवे० असीइ वा मसीइ वा कसीइ वा पणीइ वा वणिजाइ वा? णो इणढे समढे, ववगयअसिमसिकिसिपणियवाणिज्जा णं ते मणुयगणा पण्णत्ता समणाउसो!। अस्थि णं भंते ! एगूरुय. दीवे० हिरण्णेइ वा सुवण्णेइ वा कंसेइ वा दुसेइ वा मणीइ वा मुत्तिएइ वा विउलधणकणगरयणमणिमोत्तियसंखसिलप्पवालसंतसारसावएजेइ वा ? हंता अस्थि, जो चेव णं तेसिं मणुयाणं तिव्वे ममत्तभावे समुप्पजइ / अस्थि णं भंते ! एगोरुयदीवे० रायाइ वा जुवरायाइ वा ईसरेइ वा तलवरेइ वा माउंबियाइ वा कोडुंबियाइ वा इन्भाइ वा सेट्ठीइ वा सेणावईइ वा सत्थवाहाइ वा ? णो इणटे समढे, ववगयइड्ढीसक्कारा णं ते मणुयगणा पण्णत्ता समणाउसो!। अस्थि णं भंते ! एगूरुयदीवे दीवे दासाइ वा पेसाइ वा सिस्साइ वा भयगाइ वा भाइलगाइ वा कम्मगरपुरिसाइ वा ? णो इणढे समढे, ववगयआभिओगिया णं ते मणुयगणा पण्णत्ता समणाउसो!। अत्थि णं भंते ! एगोरुयदीवै दीवे मायाइ वा पियाइ वा भायाइ वा भइणीइ वा भजाइ वा पुत्ताइ वा धूयाइ वा सुण्हाइ वा ? हंता अस्थि, णो चेव णं तेसि णं मणुयाणं तिव्वे पेमबंधणे समुप्पजइ, पयणुपेजबंधणा णं ते मणुयगणा पण्णत्ता समगाउसो ! / अस्थि णं भंते ! एगूरुयदीवे दीवे अरीइ वा वेरिएइ वा घायगाइ वा वहगाइ वा पडिणीयाइ वा * पञ्चमित्ताइ वा ? णो इणढे समढे, ववगयवेराणुबंधा णं ते मणुयगणा पण्णत्ता समणाउसो!। अस्थि भंते ! एगोरुयदीवे. मित्ताइ वा वयंसाइ वा घडियाइ वा सहीइ वा सुहियाई वा महाभागाइ वा संगइयाइ वा ? णो इणढे समढे, ववगयपेम्मा णं ते मणुयगणा पण्णत्ता समणाउसो!। अस्थि णं भंते ! एगोरुयदीवे. आवाहाइ वा वीवाहाइ वा जण्णाइ वा सद्धाइ वा थालिपागाइ वा चोलोवणयणाइ वा सीमंतुण्णयणाइ वा पिइ (मय)पिंडणिवेयणाइ वा ? णो इणढे समढे, ववगयआवाहविवाहजण्णभद्धथालिपागचोलोवणतणसीमंतुण्णयणपिइपिंडणिवेयणा णं ते मणुयगणा पण्णत्ता समणाउसो ! / अस्थि णं भंते ! एगोरुयदीवे दीवे इंदमहाइ वा खंदमहाइ वा रुद्दमहाइ वा सिवमहाइ वा वेसमणमहाइ वा मुगुंदमहाइ वा णागमहाइ वा जखमहाइ वा भूयमहाइ वा कूवमहाइ वा तलायणइमहाइ वा दहमहाइ वा पव्वयमहाइ वा रुक्खरोवणमहाइ वा चेइयमन्थूभमहाइ वा०१णो इणढे समढे,ववगयमहमहिमा णं ते मणुयगणा पण्णत्ता समणाउसो!। अस्थि णं भंते ! एगोरुयदीवे दीवे णडपेच्छाइ