________________ 182 अनंगपविटुसुत्ताणि वा णट्टपेच्छाइ वा मल्लपेच्छाइ वा मुट्ठियपेच्छाइ वा विडंबगपेच्छाइ वा कहगपेच्छाइ वा पवगपेच्छाइ वा अक्खायगपेच्छाइ वा लासगपेच्छाई वा लेखपे०मखपेतूणइल्लपं० तुंबवीणपे० कावपे० मागहपे० जल्लपे० 1 णो इणटे समटे, ववगयकोउहल्ला णं ते मणुयगणा पण्णत्ता समणाउसो!। अत्थि णं भंते ! एगूरुयदीवे दीवे सगडाइ वा रहाइ वा जाणाइ वा जुग्गाइ वा गिल्लीइ वा थिल्लीई वा पिपिल्लीइ वा पवहणाणि वा सिवियाइ वा संदमाणियाइ वा ? णो इणढे समढे, पायचारविहारिणो णं ते मणुस्सगणा पण्णत्ता समणाउसो!। अत्थि णं भंते ! एगूरुयदीवे आसाइ वा हत्थीइ वा उट्टाइ वा गोणाइ वा महिसाइ वा खराइ वा घोडाइ वा अयाइ वा एलाइ वा ? हंता अस्थि, णो चेव णं तेसि मणुयाणं परिभोगत्ताए हव्वमागच्छति / अत्थि णं भंते ! एगूरुयदीवे दीवे सीहाइ वा वधाइ वा विगाइ वा दीवियाइ वा अच्छाइ.वा परच्छाइ वा परस्सराइ वा तरच्छाइ वा सियालाइ वा बिडालाइ वा सुणगाइ वा कोलसुणगाइ वा कोकंतियाइ वा ससगाइ वा चित्तलाइ वा चिल्ललगाइ वा ? हंता अस्थि, णो चेव णं ते अण्णमण्णस्स तेसिं वा मणुयाणं किंचि आबाहं वा पबाहं वा उप्पायंति वा छविच्छेयं वा करेंति, पगइभद्दगा गं ते सावयगणा पण्णत्ता समणाउसो!। अत्थि णं भंते ! एगूरुयदीवे दीवे सालीइ वा वीहीइ वा गोधूमाइ वा जवांइ वा तिलाइ वा इक्खूइ वा ? हंता अस्थि, णो चेव णं तेसिं मणुयाणं परिभोगत्ताए हव्वमागच्छति / अस्थि णं भंते ! एगूरुयदीवे दीवे गत्ताइ वा दरीइ वा घंसाइ वा भिगूइ वा उवाएइ वा विसमेइ वा विजलेइ वा धूलीइ वा रेणूइ वा पंकेइ वा चलणीइ वा ? णो इणट्टे समढे, एगूरुयदीवे णं दीवे बहुसमरमणिजे भूमिभागे पण्णत्ते समणाउसो!। अस्थि णं भंते ! एगूरुयदीवे दीवे खाणूइ वा कंटएइ वा हीरएइ वा सक्कराइ वा तणकयवराइ वा पत्तकयवराइ वा असुईइ वा पूइयाइ वा दुब्भिगंधाइ वा अचोक्खाइ वा ? णो इणढे समढे, ववगयखाणुकंटगहीरसक्करतणकयवरपत्तकयवरअसुइपूइयदुब्भिगंधमचोक्खपरिवज्जिए णं एगूरुयदीवे पण्णत्ते समणाउसो! / अस्थि णं भंते ! एगूरुयदीवे दीवे दंसाइ वा मसगाइ वा पिसुयाइ वा जूयाइ वा लिक्खाइ वा ढंकुणाई वा? णो इणढे समढे, ववगयदंसमसगपिसुयजूयलिवखढंकुणपरिवजिए णं एगूरुयदीवे पण्णत्ते समणाउसो!। अस्थि णं भंते ! एगूरुयदीवे. अहीइ वा अयगराइ वा महोरगाइ वा ? हंता अस्थि, णो चेव णं ते अण्णमण्णस्स तेसिं वा मणुयाणं किंचि आबाहं वा पबाई वा छविच्छेयं वा करेंति, पगइभद्दगा णं ते वालगगणा