________________ जीवाजीवाभिगमे प०३ 171 हंता अन्थि, ते णं भंते ! विमाणा केमहालया पण्णत्ता ? गोयमा ! एवं जहा सोत्थी(याई)णि णवरं एवइयाइं पंच उवासंतराइं अत्थेगहयस्स देवस्स एगे विकमे सिया सेसं ते चेव / अस्थि णं भंते ! विमाणाई कामाई कामावत्ताई जाव कामुत्तरवडिंसयाई ? हंता अत्थि, ते भंते ! विमाणा केमहालया पण्णत्ता? गोयमा! जहा सोत्थीणि णवरं सत्त उवासंतराइं विक्कमे सेसं तहेव / अस्थि णं भंते ! विमाणाई विजयाई वेजयंताई जयंताई अपराजियाइं ? हंता अन्थि, ते णं भंते ! विमाणा के०१ गोयमा ! जावइए णं सूरिए उदेइ० एवइयाइं णव ओवासंतराइं सेसं तं चेव, णो चेव णं ते विमाणे वीईवएजा एमहालया णं विमाणा पण्णत्ता समणाउसो ! // 99 // // पढमो तिरिक्खजोणियउद्देसो समत्तो // बीओ तिरिक्खजोणिय उद्देसो कइविहा णं भंते ! मंसारसमावण्णगा जीवा पण्णत्ता 1 गोयमा! छविहा पण्णत्ता, तंजहा-पुढविकाइयो जाव तसकाइया / से किं तं पुढविकाइया? पुढविकाइया दुविहा पण्णत्ता, तंजहा-सुहुमपुढविकाइया बायरपुढविकाइया य / से किं तं सुहमपुढविकाइया ? 2 दुविहा पण्णत्ता, तंजहा-पजत्तगा य अपजत्तगा य, सेत्तं सुहुमपुढविकाइया। से किं तं बायरपुढविक्काइया ?2 दुविहा पण्णत्ता, तंजहा-पजत्तगा य अपजत्तगा य, एवं जहा पण्णवणापए,सण्हा सत्तविहा पण्णत्ता, खरा अणेगविहा पण्णत्ता जाव असंखेजा, सेत्तं बायरपुढविकाइयां, सेत्तं पुट विकाइया, एवं चेव जहा पण्णवणापए तहेव णिरवसेसं भाणियव्वं जाव वणप्फइकाइया, एवं जाव जत्थेगो तत्थ सिय संखेजा सिय असंखेजा सिय अणंता, सेत्तं बायरवणप्फइकाइया, से तं वणस्सइकाइया / से किं तं तसकाइया? 2 चउध्विहा पण्णत्ता, तंजहा-बेइंदिया तेइंदिया चउरिंदिया पंचेंदिया। से किं तं बेइंदिया 1 2 अणेगविहा पण्णत्ता, एवं जं चेव पण्णवणापए तं चेव गिरवसेसं भाणियव्वं जाव सव्वट्ठसिद्धगदेवा, से ते अणुत्तरोववाइया, से तं देवा, से तं पंचेंदिया, से तं तसकाइया // 100 // कइविहा णं भंते ! पुढवी पण्णत्ता ? गोयमा ! छव्विहा पुढवी पण्णत्ता, तंजा-सण्हापुढवी सुद्धपुढवी वालुयापुढवी मणोसिलापु० सक्करापु० खरपुढवी / सहापुढवीणं भंते ! केवइयं कालं ठिई पण्णत्ता ? गोयमा ! जह० अंतोमु० उक्कोसेणं एगं वाससहस्सं / सुद्धपुढवीए पुच्छा, गोयमा ! जह० अंतोमु० उक्को० बारस वाससहस्साई। वालुया
