________________ 172 अनंगपविट्ठसुत्ताणि पुढवीपुच्छा, गोयमा! जह० अंतोमु० उक्को० चोद्दस वाससहस्साई / मणोसिलापुढवीणं पुच्छा, गोयमा ! जह० अंतोमु० उक्को० सोलस वाससहस्साई / , सक्करापुढवीए पुच्छा, गोयमा! जह० अंतोमु० उक्को० अट्ठारस वाससहस्साई / खरपुढविपुच्छा, गोयमा ! जह० अंतोमु० उक्को० बावीस वाससहस्साई / णेरइयाणं भंते ! केवइयं कालं ठिई पण्णत्ता ? गोयमा ! जह० दस वाससहस्साइं उक्को० तेत्तीसं सागरोवमाई ठिई, एयं सव्वं भाणियव्वं जाव सव्वट्ठसिद्धदेवत्ति // जीवे णं भंते ! जीवेत्ति कालओ केवच्चिरं होइ ? गोयमा ! सव्वद्धं, पुढविकाइए णं भंते! पुढविकाइएत्ति कालओ केवच्चिरं होइ ? गोयमा ! सव्वद्धं, एवं जाव तसकाइए // 101 // पड्डुप्पण्णपुढविकाइया णं भंते ! केवइकालस्स णिल्लेवा सिया ? गोयमा! जहण्णपए असंखेजाहिं उस्सप्पिणीओसप्पिणीहि, उक्कोसपए असंखेजाहिं उस्सप्पिणीओसप्पिणीहिं, जहण्णपयाओ उक्कोसपए असंखेजगुणा, एवं जाव पडुप्पण्णवाउक्काइया // पडुप्पण्णवण'फइकाइया णं भंते ! केवइकालस्स णिल्लेवा सिया ? गोयमा! पडुप्पण्णवण० जहण्णपए अपया उक्कोसपए अपया, पडुप्पण्णवणप्फइकाइयाणं णन्थि णिल्लेवणा // पडुप्पण्णतसकाइयाणं पुच्छा, जहण्णपए सागरोवमंसयपुहुत्तस्स उक्कोसपए सागरोवमसयपुहुत्तस्स, जहण्णपया उक्कोसपए विसेसाहिया // 102 // अविसुद्धलेस्से णं भंते ! अणगारे असमोहएणं अप्पाणेणं अविसुद्धलेस्सं देवं देवं अणगारं जाणइ पासइ ? गोयमा! णो इणढे समझे। अविसुद्धलेस्से णं भंते ! अणगारे असमोहएणं अप्पाणएणं विसुद्धलेस्सं देवं देवि अणगारं जाणइ पासइ? गोयमा! णो इणढे समझे। अविसुद्धलेस्से णं भंते ! अणगारे समोहएणं अप्पाणेणं अविसुद्धलेस्सं देवं देविं अणगारं जाणइ पासइ ! गोयमा! णो इणढे समढे। अविसुद्धलेस्से० अणगारे समोहएणं अप्पाणेणं विसुद्धलेस्सं देवं देवि अणगारं जाणइ पासइ ? णो इणढे समढे / अविसुद्धलेस्से णं भंते ! अणगारे समोहयासमोहएणं अप्पाणेणं अविसुद्धलेस्सं देवं देविं अणगारं जाणइ पासइ ? णो इणढे समझे। अविसुद्धलेस्से०अणगारे समोहयासमोहएणं अप्पाणेणं विसुद्धलेस्सं देवं देवि अणगारं जाणइ पासइ ? णो इणढे समढे / विसुद्धलेस्से णं भंते ! अणगारे असमोहएणं अप्पाणेणं अविसुद्धलेस्सं देवं देविं अणगारं जाणइ पासइ ? हंता नाणइ पासइ जहा अविसुद्धलेस्सेणं छ आलावगा एवं विसुद्धलेस्सेणवि छ आलावगा भाणि. यव्वा जाव विसुद्धलेस्से णं भंते ! अणगारे समोहयासमोहएणं अप्पाणेणं विसुद्धलेस्मं देवं देविं अणगारं जाणइ पासइ ? हंता जाणइ पासइ // 103 // अण्णउत्थिया णं
