________________ अनंगपविट्ठसुत्साणि किं तुल्ला विसेसाहिया संखेजगुणा 1 एवं चेव भाणियव्वं / सेवं भंते ! 2 // 80 // // पढमो रइय उद्देसो समत्तो // बीओ रइय उद्देसो . . . कइ णं भंते ! पुढवीओ पण्णत्ताओ? गोयमा ! सत्त पुढबीओ पणत्ताओ, तंजहा-रयणप्पभा जाव अहेसत्तमा // इमीसे णं भंते ! रयणप्य० पु० असीउत्तरजोयणसयसहस्सबाहल्लाए उवरि केवइयं ओगाहित्ता हेट्ठा केवइयं वजित्ता मज्झे केवइए केवइया णिरयावाससयसहस्सा पण्णत्ता 1 गोयमा ! इमीसे णं रयण पु० असीउत्तरजोयणसयसहस्सबाहल्लाए उवरि एगं जोयणसहस्सं ओगाहित्ता हेहावि एग जोयणसहस्स वजेत्ता मज्झे अडसत्तरी जोयणसयसहस्सा, एत्थ णं रयणप्पभाए पु० णेरइयाणं तीसं गिरयावाससयसहस्साई भवंतित्तिमक्खाया // ते णं गरगा अंतो वट्टा बाहिं चउरंसा जाव असुभा गरएसु वेयणा, एवं एएणं अभिलावेणं उवजूंजिऊण भाणियव्वं ठाणप्पयाणुसारेणं, जत्थ जं बाहलं जत्थ जत्तिया वा णरयावाससयसहस्सा जाव अहेसत्तमाए पुढवीए, अहेसत्तमाए मज्झिमं केवइए कइ अणुत्तरा महइ महालया महाणिरया पण्णत्ता एवं पुच्छियव्वं वागरेयव्वंपि तहेव (छट्ठिसत्तमासु काऊ य अगणिवण्णाभा भाणियव्वा) // 81 // इमीसे णं भंते ! रयणप्पभाए पुढवीए णरगा किंसंठिया पण्णत्ता ? गोयमा ! दुविहा पण्णत्ता, तंजहा-आवलियपविट्ठा य आवलियबाहिरा य, तत्थ णं जे. ते आवलियपविट्ठा ते तिविहा पुण्णत्ता, तंजहावट्ठा तंसा चउरंसा, तत्थ गंजे ते आवलियबाहिरा ते णाणासंठाणसंठिया पण्णत्ता, तंजहा-अयकोट्ठसंठिया पिट्ठपयणगसंठिया कंडूसंठिया लोहीसंटिया कडाहसंठिया थालीसंठिया पिहडगसंठिया किमियडसंठिया किण्णपडगसंठिया उडवसंठिया मुखसंठिया मुयंगसंठिगा गंदिमुयंगसंठिया आलिंगयसंठिया सुघोससंठिया दद्दरयसंठिया पणवसंठिया पडहसंठिया भेरिसंठिया झल्लरीसंठिया कुतुंबगसंठिया णालिसंठिया, एवं जाव तमाए // अहेसत्तमाए णं भंते ! पढवीए गरगा किंसंठिया पण्णत्ता ? गोयमा ! दुविहा पण्णत्ता, तंजहा-वढे य तंसा य / इमीसे गं भंते ! रयणप्पभाए पुढवीए णरगा केवइयं बाहल्लेणं पण्णत्ता ? गोयमा! तिण्णि जोयणसहस्साई बाहलेणं पण्णत्ता, तंजहा-हेट्ठा घणा सहस्सं मज्झे झुसिरा सहस्सं उप्पिं संकुइया सहस्सं, एवं जाव अहेसत्तमाए / इमीसे णं भंते ! रयणप्प० पु० णरगा केवइये आयामंविखंभेणं केवइयं परिक्खेवेणं पण्णत्ता ? गोयमा ! दुविहा पण्णत्ता, तंजहा-संखेजवित्थडा