________________ ... जीवाजीवाभिगमे प०३ 157 चरिमंते एस णं केवइयं अबाहाए अंतरे प० 1 गोयमा ! दो जोयणसहस्साई, इमीसे 0 अबाहाए अंतरे पण्णत्ते, एवं जाव रिट्ठस्स उवरिल्ले पण्णरस जोयणसहस्साई, हट्ठिले चरिमंते सोलस जोयणसहस्साई // इमीसे णं भंते ! रयणप्प० पु० उवरिलाओ चरिमंताओ पंकबहुलस्स कंडस्स उवरिल्ले चरिमंते एस णं अबाहाए केवइयं अंतरे पण्णत्ते ? गोयमा ! सोलस जोयणसहस्साइं अबाहाए अंतरे पण्णत्ते / हेछिल्ले चरिमंते एकं जोयणसयसहस्सं आवबहुलस्स उवरि एक जोयणसयसहस्सं हेटिल्ले चरिमंते असीउत्तरं जोयणसयसहस्सं / घणोदहिउवरिल्ले असिउत्तरजोयणसयसहस्सं हेटिल्ले चरिमंते दो जोयणसयसहस्साई / इमीसे णं भंते ! रयण पुढ० घणवायस्स उवरिले चरिमंते दो जोयणसयसहस्साई / हेडिल्ले चरिमंते असंखेजाइंजोयणसयसहस्साई / इमीसे णं भंते ! रयण० पु. तणुवायस्स उवरिले चरिमंते असंखेजाई जोयणसयसहस्साइं अबाहाए अंतरे हेडिल्लेवि असंखेजाई जोयणसयसहस्साई, एवं ओवासंतरेवि / / दोच्चाए णं भंते ! पुढवीए उवरिल्लाओ चरिमंताओ हेट्ठिल्ले चरिमंते एस णं केवइयं अबाहाए. अंतरे पण्णत्ते ? गोयमा ! बत्तीसुत्तरं जोयणसयसहस्सं अबाहाए अंतरे पण्णत्ते / सक्करप्प० पु० उवरि घणोदहिस्स हेट्ठिल चरिमंते बावणुत्तरं जोयणसयसहस्सं अबाहाए / घणवायस्स असंखेजाई जोयणसयसहस्साई पण्णत्ताई / एवं जाव उवासंतरस्सवि जाव अहेसत्तमाए, णवरं जीसे जं बाहलं तेण घणोदही संबंधेयन्वो बुद्धीए / सक्करम्पभाए अणुसारेणं घणोदहिसहियाणं इमं पमाणं // तच्चाए अडयालीसुत्तरं जोयणसयसहस्सं / पंकप्पभाए पुढवीए चत्तालीसुत्तरं जोयणसयसहस्सं / धूमप्पभाए पु० अद्रुतीसुत्तरं जोयणसयसहस्सं / तमाए पु. छत्तीसुत्तरं जोयणसयसहस्सं / अहेसत्तमाए पु० अट्ठावीसुत्तरं जोयणसयसहस्सं जाव अहेसत्तमाए गंभंते ! पुढवीए उवरिल्लाओ चरिमंताओ उवासंतरस्स हेहिले चरिमंते केवइयं अबाहाए अंतरे पण्णत्ते ? गोयमा ! असंखेजाइं जोयणसयसहस्साई अबाहाए अंतरे पण्णत्ते // 79 // इमा ण भंते ! रयणप्पभा पुढवी दोच्च पुढवि पणिहाय बाहल्लेणं किं तुल्ला विसेसाहिया संखेजगुणा ? वित्थरेणं किं तुला विसेसहीणा संखेज. गुणहीणा ?, गोयमा ! इमा णं रयण० पु० दोच्चं पुढवं पणिहाय बाहल्लेणं णो तुल्ला विसेसाहिया णो संखेजगुणा, वित्थारेणं णो तुल्ला विसेसहीणा णो संखेजगुणहीणा / दोच्चा णं भंते ! पुढवी तच्च पुढविं पणिहाय बाहलेणं किं तुल्ला एवं चेव भाणियव्वं / एवं तच्चा चउत्थी पंचमी छट्ठी / छट्ठी णं भंते ! पुढवी सत्तमं पुढविं पणिहाय बाहल्लेणं
