________________ अनंगपविद्वसुत्ताणि लेणं, एवं जाव अहेसत्तमा // 76 // इमीसे णं भंते ! रयणप्प० पु० सव्वजीवा उववण्णपुव्वा ? सव्वजीवा उववण्णा ?, गोयमा ! इमीसे णं रंय० पु० सव्वजीवा उववण्णपुव्वा णो चेव णं सव्वजीवा उववण्णा, एवं जाव अहेसत्तमाए पुढवीए / इमाणं भंते! रयण० पु० सव्वजीवहिं विजढपुव्वा ? सव्वजीब्वेहिं विजढा ?, गोयमा! इमा णं रयण० पु० सव्वजीवहिं विजदपुव्वा णो चेव णं सव्वजीवविजढा, एवं जाव अहेसत्तमा // इमीसे णं भंते ! रयण० पु० सव्वपोग्गला पविठ्ठपुव्वा ? सव्वपोग्गला पविट्ठा ?, गोयमा ! इमीसे णं रयण पुढवीए सव्वपोग्गला पविट्ठपुव्वा णो चेव णं सव्वपोग्गला पविट्ठा, एवं जाव अहेसत्तमाए पुढवीए // इमाणं भंते ! रयणप्पभा पुढवी सव्वपोग्गलेहिं विजटपुवा ? सव्वपोग्ग० विजढा ?, गोयमा ! इमा णं रयणप्पभा पु० सव्वपोग्गलेहिं विजढपुव्वा णो चेव णं सव्वपोग्गलेहिं विजढा, एवं जाव अहेसत्तमा // 77 // इमा णं भंते ! रयणप्पभा पुढवी किं सासया असासया ? गोयमा ! सिय सासया सिय असासया // से केणटेणं भंते ! एवं बुच्चइ-सिय सासया सिय असासया ? गोयमा ! दव्वट्ठयाए सासया, वण्णपजवेहिं गंधपजवेहिं रसपजवेहिं फासपनवेहिं असासया, से तेण?णं गोयमा ! एवं वुच्चइतं चेव जाव सिय असासया, एवं जाव अहेसत्तमा // इमा णं भंते ! रयणप्पभा पु० कालओ केवच्चिरं होइ ? गोयमा ! ण कयाइ ण आसि ण कयाइ णत्थि ण कयाइ ण भविस्सइ भुविं च भवद य भविस्सइ य धुवा णियया सासया अक्खया अव्वया अवट्ठिया णिच्चा एवं जाव अहेसत्तमा // 78 // [इमीसे णं भंते ! रयणप्पभाए पुढवीए उवरिल्लाओ चरिमंताओ हेट्ठिल्ले चरिमंते एस णं केवइयं अबाहाए अंतरे पण्णत्ते ? गोयमा ! असिउत्तरं जोयणसयसहस्सं अबाहाए अंतरे पण्णत्ते / इमीसे णं भंते ! रयण० पु० उवरिल्लाओ चरिमंताओ खरस्स कंडस्स हेटिले चरिमंते एस णं केवइयं अबाहाए अंतरे पण्णत्ते ? गोयमा ! सोलस जोयणसहस्साइं अबाहाए अंतरे पण्णत्ते इमीसे णं भंते ! रयणप्पभाए पुढवीए उवरिलाओ चरिमंताओ रयणस्स कंडस्स हेडिल्ले चरिमंते एस णं केवइयं अबाहाए अंतरे पण्णत्ते ? गोयमा ! एकं जोयणसहस्सं अबाहाए अंतरे पण्णत्ते // इमीसे गं भंते ! रयण० पु० उवरिल्लाओ चरिमंताओ वइरस्स कण्डस्स उवरिल्ले चरिमंते एस णं केवइयं अबाहाए अंतरे पण्णत्ते ? गोयमा! एक जोयणसहस्सं अबाहाए अंतरे प०॥ इमीसे णं भंते ! रयण० पु. उवरिल्लाओ चरिमंताओ वइरस्स . कंडस्स हेछिल्ले
