________________ ___ जीवाजीवाभिगमे प० 3 155 पंच जोयणाई बाहल्लेणं पण्णत्ते, एवं एएणं अभिलावेणं वालुयप्पभाए पंच जोयणाई बाहलेणं पण्णत्ते, पंकप्पभाए सक्कोसाइं पंच जोयणाई बाहल्लेणं पण्णत्ते / धूमप्पभाए अद्धटाई जोयणाई बाहल्लेणं पण्णत्ते, तमप्पभाए कोसूणाई छजोयणाई बाहल्लेणं पण्णत्ते, अहेसत्तमाए छजोयणाई बाहल्लेणं पण्णत्ते / इमीसे णं भंते ! रयणप्प० पु० तणुवायवलए केवइयं बाहल्लेणं पण्णत्ते ? गोयमा ! छक्कोसेणं बाहलेणं पण्णत्ते, एवं एएणं अभिलावेणं सकरप्पभाए सतिभागे छक्कोसे बाहल्लेणं पण्णत्ते / वालुयप्पभाए तिभागूणे सत्तकोसे बाहल्लेणं पण्णत्ते। पंकप्पभाए पुढवीए सत्तकोसे बाहल्लेणं पण्णत्ते / धूमप्पभाए सतिभागे सत्तकोसे / तमप्पभाए तिभागूणे अट्ठकोसे बाहलेणं पण्णत्ते / अहेसत्तमाए पृढवीए अढकोसे बाहल्लेणं पण्णत्ते // इमीसे गंभंते ! रयणप्प० पु० घणोदहिवलयस्स छजोयणबाहल्लस्स खेत्तच्छे एणं छिजमाणस्स अत्थि दव्वाई वण्णओ काल जाव हंता अस्थि / सक्करप्पभाए णं भंते ! पु० घणोदहिवलयस्स सत्तिभागछजोयणबाहल्लस्स खेतच्छेएणं छिजमाणस्स जाव हंता अत्थि, एवं जाव अहेसत्तमाए जं जस्स बाहलं / इमीसे णं भंते ! रयणप्प० पु० घणवायवलयस्स अद्धपंचमजोयणबाहल्लम्स खत्तछेएणं छि०जाव हंता अस्थि, एवं जाव अहेसत्तमाए जं जस्स बाहलं / एवं तणुवायवलयस्सवि जाव अहेसत्तमा जं जस्स बाहलं // इमीसे णं भंते ! रयणप्पभाए पुढवीए घणोदहिवलए किंसंठिए पण्णत्ते ? गोयमा ! वट्टे वलयागारसंठाणसंठिए पण्णत्ते, जे णं इमं रयणप्पमं पुढवि सव्वओ० संपरिक्खिवित्ताणं चिट्ठइ, एवं जाव अहेसत्तमाए पु० घणोदहिवलए, णवरं अप्पणप्पणं पुढवि संपरिक्खिवित्ताणं चिट्ठइ / इमीसे णं रयणप्प० पु० घणवायवलए किंसंठिए पण्णत्ते ? गोयमा ! वट्टे वलयागारे तहेव जाव जे ण इमीसे रयणप्प० पु० घणोदहिवलयं सव्वओ समंता संपरिस्खिवित्ताणं चिट्ठइ एवं जाव अहेसत्तमाए घणवायवलए / इससे णं भंते ! रयणप्प० पु० तणुवायवलए किंसंठिए पण्णत्ते ? गोयमा ! वट्टे वलयागारसंठाणसंठिए जाव जेणं इमीसे रयणप्प० पु० घणवायवलयं सव्वओ समंता संपरिक्खिवित्ताणं चिट्ठइ, एवं जाव अहेसत्तमाए तणुवायवलए // इमा णं भंते ! रयणप्प० पु० केवइयं आयामविक्खंभेणं प० 1 गोयमा! असंखेजाइं जोयणसहस्साई आयामविक्खंभेणं असंखेजाइं जोयणसहस्साई परिक्खेवेणं पण्णत्ता, एवं जाव अहे. सत्तमा // इमा णं भंते ! रयणप्प० पु० अंते य मज्झे य सव्वत्थ समा बाहलेणं पण्णत्ता ? हंता गोयमा ! इमा णं रयण० पु० अंते य मज्झे य सव्वत्थ समा बाह
