________________ 154 - अनंगपविट्ठसुत्ताणि.. इमीसे णं भंते ! रयणप्प० पु० खरकंडे किंसंठिए पण्णत्ते ? गोयमा ! झलरिसंठिए पण्णत्ते / इमीसे णं भंते ! रयणप्प० पु० रयणकंडे किंसंठिएं पण्णत्ते ? गोयमा ! झल्लरि संठिए पण्णत्ते, एवं जाव रिटे, एवं पंकबहुलेवि, एवं आवबहुलेवि घणोदहीवि घणवाएवि तणुवाएवि ओवासंतरेवि, सव्वे झलरिसंठिया पण्णत्ता / सक्करप्पभा णं भंते ! पुढवी किंसठिया पण्णत्ता ? गोयमा! झलरिसंठिया पण्णत्ता, सक्करप्पभापृढवीए घणोदही किंसठिए पण्णत्ते ? गोयमा ! झल्लरिसंठिए पण्णत्ते, एवं जाव ओवासंतरे, जहा सक्करप्पभाए वत्तव्वया एवं जाव अहेसत्तमाएवि // 74 // इमीसे णं भंते ! रयणप्प० पुढवीए पुरथिमिल्लाओ चरिमंताओ केवइयं अबाहाए लोयंते पण्णत्ते ? गोयमा ! दुवालसहिं जोयणेहिं अबाहाए लोयंते पण्णत्ते, एवं दाहिणिलाओ पच्चस्थिमिल्लाओ उत्तरिल्लाओ / सक्करप्प० पु० पुरथिमिल्लाओ चरिमंताओ केवइयं अबाहाए लोयंते पण्णत्ते ? गोयमा ! तिभागणेहि तेरसहिं जोयणेहिं अबाहाए लोयंते पण्णत्ते, एवं चउद्दिसिपि / वालुयप्प०१०पुरथिमिल्लाओ पच्छा,गोयमा ! सतिभागेहिं तेरसहिं जोयणेहिं अबहाए लोयंते पण्णत्ते, एवं चउद्दिसिपि, एवं सव्वासिं चउसुवि दिसासु पुच्छियव्वं / पंकप्प०चोद्दसहिं जोयणेहिं अबाहाए लोयंते पण्णत्ते / पंचमाए तिभागूणेहि पण्णरसहिं जोयणेहिं अबाहाए लोयंते पण्णत्ते / छट्ठीए सतिभागेहिं पण्णरसहिं जोयणेहिं अबाहाए लोयंते पण्णत्ते। सत्तमीए सोलसहिं जोयणेहिँ अबाहाए लोयंते पण्णत्ते, एवं जाव उत्तरिल्लाओ। इमीसे णं भंते ! रयणं० पु० पुरथिमिल्ले चरिमंते कइविहे पण्णत्ते ? गोयमा ! तिविहे पण्णत्ते, तंजहा-घणोदहिवलए घणवायवलए तणुवायवलए / इमीसे णं भंते ! रयणप्प० पु० दाहिणिल्ले चरिमंते कइविहे पण्णत्ते ? गोयमा! तिविहे पण्णत्ते, तंजहा-एवं जाव उत्तरिले, एवं सव्वासिं जाव अहेसत्तमाए उत्तरिले // 75 // इमीसे णं भंते ! रयणप्प० पुढवीए घणोदहिवलए केवइयं बाहल्लेणं पण्णत्ते ? गोयमा ! छ जोयणाणि बाहल्लेणं पण्णत्ते / सक्करप्प० पु० घणोदहिवलए केवइयं बाहलेणं पण्णत्ते ? गोयमा! सतिभागाइं छजोयणाइं बाहल्लेणं पण्णत्ते। वालुयप्पभाए पुच्छा, गोयमा ! तिभागूणाई सत्त जोयणाई बाहल्लेणं प० / एवं एएणं अभिलावेणं पंकप्पभाए सत्त जोयणाइं बाहल्लेणं पण्णत्ते। धूमप्पभाए सतिभागाई सत्त जोयणाई बा० पण्णत्ते / तमप्पभाए तिभागूणाई अट्ट जोयणाई / तमतमप्पभाए अह जोयणाई // इमीसे णं भंते ! रयणप्प० पु० घणवायवलए केवइयं बाहल्लेणं पण्णत्ते ? गोयमा! अद्धपंचममाई जोयणाई बाहल्लेणं / सक्करप्पभाए पुच्छा, गोयमा ! कोसूणाई
