________________ अनंगपविट्ठसुत्ताणि चउत्थापुढवीणेर० पंचमापु० णेरइया छटापु०णेर सत्तमापु० पोरइया // 66 // पढमा णं भंते ! पुढवी किंणामा किंगोत्ता पण्णत्ता ? गोयमा! णामेणं घम्मा'गोत्तेणं रयणप्पभा / दोच्चा णं भंते ! पुढवी किंणामा किंगोत्ता पण्णत्ता ? गोयमा ! णामेणं वंसा गोत्तेणं सक्करप्पभा, एवं एएणं अभिलावेणं सव्वासिं पुच्छा, णामाणि इमाणि सेला तइया अंजणा चउत्थी रिट्ठा पंचमी मघा छट्ठी माधवई सत्तमा जाव तमतमागोन्तेणं पण्णत्ता // 67 // इमा णं भंते ! रयणप्पभापुढवी केवइया बाहल्लेणं पण्णत्ता ? गोयमा ! इमा णं रयणप्पभापुढवी असिउत्तरं जोयणसयसहस्सं बाहल्लेणं पण्णत्ता, एवं एएणं अभिलावणं इमा गाहा अणुगंतव्या-आसीयं बत्तीसं अट्ठावीस तहेव वीसं च / अट्ठारस सोलसगं अठुत्तरमेव हिंटिमिया // 1 // 68 // इमा णं भंते ! रयणप्पभापुढवी कइविहा पण्णत्ता ? गोयमा! तिविहा पण्णत्ता, तंजहाखरकंडे पंकबहुले कंडे आववहुले कंडे // इमीसे णं भंते ! रय० पुढ० खरकंडे कइविहे पण्णत्ते ? गोयमा! सोलसविहे पण्णत्ते, तंजहा-रयणकंडे 1 वइरे 2 वेरुलिए 3 लोहियक्ख 4 मसारगल्ले 5 हंसगब्भे 6 पुलए 7 सोगंधिए 8 जोइरसे 9 अंजण 10 अंजणपुलए 11 रयए 12 जायरूवे 13 अंके 14 फलिहे 15 रिट्टे 16 कंडे // इमीसे णं भंते ! रयणप्पभापुढवीए रयणकंडे कइविहे पण्णत्ते ? गोयमा ! एगागारे पण्णत्ते, एवं जाव रिट्टे / इमीसे णं भंते ! रयणप्यभापुढवीए पंकबहुले कंडे कइविहे पण्णत्ते ? गोयमा !एगागारे पण्णत्ते। एवं आवबहुले कंडे कइविहे पण्णत्ते ? गोयमा ! एगागारे पण्णत्ते / सक्करप्पभाए णं भंते! पुढवी कइविहा पण्णत्ता 1 गोयमा! एगागारा पण्णत्ता, एवं जाव अहेसत्तमा // 69 / / इमीसे णं भंते ! रयणप्पभाए पुढवीए केवइया णिरयावाससयसहस्सा पण्णत्ता ? गोयमा ! तीसं णिरयावाससयसहस्सा पण्णत्ता, एवं एएणं अभिलावेणं सव्वासिं पुच्छा, इमा गाहा अणुगंतव्वातीसा य पण्णवीसा पण्णरस दसेव तिणि य हवंति / पंचूणसयसहस्सं पंचेव अणुत्तरा गरगा // 1 // जाव अहेसत्तमाए पंच अणुत्तरा महइमहालया महाणरगा पण्णत्ता, तंजहा-काले महाकाले रोरुए महारोरुए अपइट्ठाणे // 70 // अस्थि णं भंते ! इमीसे रयणप्पभाए पुढवीए अहे घणोदहीइ वा घणवाएइवा तणुवाएइ वा ओवासंतरेइ वा ? हंता अत्थि, एवं जाव अहेसत्तमाए // 71 // इमीसे गं भंते ! रयणप्यभाए पुटवीए खरकंडे केवइयं बाहल्लेणं पण्णत्ते ? गोयमा! सोलस जोयणसहस्साई बाहल्लेणं पण्णत्ते। इमीसेणं भंते ! रयणप्पभाए पुढवीए रयणकंडे केवइयं बाहल्लेणं पण्णत्ते ? गोयमा ! एक
