________________ . अनंगपविट्ठसुत्ताणि . अकम्मभूमगअंतरदीवगअसंखेजवासाउयवजेहिं, देवेहिं सव्वेहिं, ठिई जहणणेणं अंतोमुहत्तं उक्कोसेणं तिण्णि पलिओवमाइं, दुविहावि मरंति, उव्वट्टित्ता, परइयाइसु जाव अणुत्तरोववाइएसु, अत्थेगइया सिझंति जाव अंतं. करेंति / ते णं भंते ! जीवा कइगइया कइआगइया पण्णत्ता ? गोयमा! पंचगइया चउआगइया परित्ता संखिजा पण्णत्ता, सेत्तं मणुस्सा // 41 // से किं तं देवा ? देवा चउव्विहा पण्णत्ता, तंजहाभवणवासी वाणमंतरा जोइसिया वेमाणिया। से किं तं भवणवासी ? 2 दसविहा पण्णत्ता, तंजहा-असुरा जाव थणिया, से तं भवणवासी / से किं तं वाणमंतरा 12 देवभेदो सव्वो भाणियव्वो जाव ते समासओ दुविहा पण्णत्ता, तंजहा-पजत्ता य अपजत्ता य, तेसि णं तओ सरीरगा वेउव्विए तेयए कम्मए / ओगाहणा दुविहाभवधारणिजा य उत्तरवेउव्विया य, तत्थ णं जा सा भवधारणिज्जा सा जहण्णेणं अंगुलस्स असंखेजइभागं उक्कोसेणं सत्त रयणीओ, उत्तरवेउव्विया जहण्णेणं अंगुलस्स संखेजइ० उक्कोसेणं जोयणसयसहस्सं, सरीरगा छण्हं संघयणाणं असंघयणी णेवट्ठी णेव छिराणेव पहारु णेव संघयणमत्थि, जे पोग्गला इट्ठा कंता जाव ते तेसि संघायत्ताए परिणमंति, किंसंठिया ? गोयमा! दुविहा पण्णत्ता, तंजहा-भवधारणिज्जा य उत्तरवेउव्विया य, तत्थ णं जे ते भवधारणिजा ते णं समचउरंससंठिया पण्णत्ता, तत्थ णं जे ते उत्तरवेउध्विया ते णं णाणासंठाणसंठिया पण्णत्ता, चत्तारि कसाया चत्तारि सण्णा छ लेस्साओ पंच इंदिया पंच समुग्घाया सण्णीवि असण्णीवि इत्थिवेयावि पुरिसवेयावि णो णपुंसगवेया, पजत्ती अपजत्तीओ पंच, दिट्ठी तिण्णि, तिणि दंसणा, णाणीवि अण्णाणीवि, जे णाणी ते णियमा तिण्णाणी अण्णाणी भयणाए, तिविहे जोगे, दुविहे उवओगे, आहारो णियमा छद्दिसि, ओसण्णकारणं पडुच्च वण्णओ हालिद्दसुकिल्लाइं जाव आहारमाहारेति, उववाओ तिरियमणुस्सेसु, ठिई जहण्णेणं दस वाससहस्साई उक्कोसेणं तेत्तीसं सागरोवमाइं, दुविहावि मरंति, उव्वट्टित्ता णो णेरइएसु गच्छंति तिरियमणुस्सेसु जहासंभवं, णो देवेसु गच्छंति, दुगइया दुआगइया परित्ता असंखेजा पण्णत्ता, से तं देवा, से तं पंचेंदिया, सेत्तं ओराला तसा पाणा // 42 // थावरस्स णं भंते ! केवइयं कालं ठिई पण्णत्ता 1 गोयमा ! जहण्णेणं अंतोमुहुत्तं उक्कोसेणं बावीसं वाससहस्साई ठिई पण्णत्ता / तसस्स णं भंते ! केवइयं कालं ठिई पण्णत्ता ? गोयमा ! जहण्णेणं अंतोमुहुत्तं उक्कोसेणं तेत्तीसं सागरोवमाई ठिई पण्णत्ता / थावरे णं भंते ! थावरत्ति कालओ केवच्चिरं होइ ? गोयमा !