________________ जीवाजीवाभिगमे प० 2 137 जहणणेणं अंतोमुहुत्तं उक्कोसेणं अतं कालं अणंताओ उस्सप्पिणीओ अवसप्पिणीओ कालओ खेत्तओ अणंता लोया असंखेजा पुग्गलपरियट्टा, ते णं पुग्गलपरियट्टा आलियाए असंखेजहभागो / तसे णं भंते ! तसत्ति कालओ केवच्चिरं होइ ? गोयमा! जहण्णेणं अंतोमुहुत्तं उक्कोसेणं असंखे कालं असंखेजाओ उस्सप्पिणीओ अवसप्पिणीओ कालओ खेत्तओ असंखेजा लोया / थावरस्स णं भंते ! केवइकालं अंतरं होइ ? गोयमा ! जहा तससंचिट्ठणाए / तसस्स णं भंते ! केवइकालं अंतरं होइ ? गोयमा ! जहण्णेणं अंतोमुहुत्तं उक्कोसेणं वणस्सइकालो / एए सि गं मंते ! तसाणं थावराण य कयरे कयरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा तसा थावरा अणंतगुणा, से तं दुविहा संसारसमावण्णगा जीवा पण्णत्ता // 43 // पढमा दुविहपडिवत्ती समत्ता // दोच्चा तिविहा पडिवत्ती तत्थ जे ते एवमाहंसु तिविहा संसारसमावण्णगा जीवा पण्णत्ता ते एवमाहंसु, तंजहा-इन्थी पुरिसा णपुंसगा / / 44 // से किं तं इत्थीओ ? 2 तिविहाओ पण्णत्ताओ, तंजहा-तिरिक्खजोणित्थीओ मणुस्सित्थीओ देवित्थीओ। से किं तं तिरिक्खजोणित्थीओ ? 2 तिविहाओ पण्णत्ताओ तंजहा-जलयरीओ थलयरीओ खहयरीओ / से किं तं जलयरीओ? 2 पंचविहाओ पण्णत्ताओ, तंजहा-मच्छीओजाव मुंसुमारीओ से तं जलयरीओ / से किं तं थलयरीओ ? 2 दुविहाओ पण्णत्ताओ तंजहा-चउप्पईओ य परिसप्पीओ य / से किं तं चउप्पईओ ? 2 चउविहाओ पण्णत्ताओ तंजहा-एगखुरीओ जाव सणप्पईओ से तं च उप्पयथलयरतिरिवखजोणित्थीओ / से किं तं परिसप्पीओ ? 2 दुविहाओ पण्णत्ताओ, तंजहा-उरपरिसप्पीओ य भुयपरिसप्पीओ य / से किं तं उरपरिसप्पीओ ? 2 तिविहाओ पण्णताओ तंजहा-अहीओ अहिगरीओ महोरगीओ य, सेत्तं उरपरिसप्पीओ / से किं तं भुयपरिसप्पीओ ? 2 अणेगविहाओ पण्णत्ताओ तंजहा-सेरडीओ सेरंधीओ गोहीओ णउलीओ सेधाओ सरडीओ सिरसंधीओ भावीओ सोवीओ खाराओ पल्लवाइयाओ चउप्पइयाओ मूसियाओ मुगुसियाओ घरोलियाओ गोहियाओजोहियाओ बिरचिरालियाओ सेत्तं भुयपरिसप्पीओ। से किं तं खहयरीओ ? 2 चउबिहाओ पण्णत्ताओ तंजहा-चम्मपक्खीओ जाव वियय० सेत्तं खहयरीओ, सेत्तं तिरिक्खजोणित्थीओ।
