________________ _____ जीवाजीवाभिगमे प० 1 135 दोच्चं पुढविं गच्छंति, से तं भुयपरिसप्पा प० से तं थलयरा॥३९॥ से किं तं खहयरा ? 2 चउव्विहा पण्णत्ता, तंजहा-चम्मपक्खी तहेव भेदो, ओगाहणा जहण्णेणं अंगुलस्स असंखे० उक्कोसेणं धणुपुहत्तं, ठिई जहण्णेणं अंतोमुहत्तं उक्कोसेणं पलिओवमस्स असंखेजइभागो, सेसं जहा जलयराणं, णवरं जाव तच्चं पुढ विं गच्छंति जाव से तं खयरगन्भवतियपंचेंदियतिरिक्खजोणिया, से तं तिरिक्खजोणिया // 40 // से कि तं मणुस्सा ? 2 दुविहा पण्णत्ता, तंजहा–संमुच्छिममणुस्सा य गन्भवतियमगुस्सा य / / कहि णं भंते ! संमुच्छिममणुस्सा संमुच्छंति ? गोयमा ! अंतो मणुस्सखेत्ते जाव करेंति / तेसि णं भंते ! जीवाण कइ सरीरगा पण्णत्ता ? गोयमा ! तिणि सरीरगा पण्णत्ता, तंजहा-ओरालिए तेयए कम्मए, से तं समुच्छिममणुस्सा। से किं तं गम्भवकंतियमणुस्सा 1 2 तिविहा पण्णत्ता, तंजहा-कम्मभूमया अकम्मभूमया अंतरदीवया, एवं माणुस्सभेदो भाणियव्यो जहा पण्णवणाए तहा णि स्वसेसं भाणियव्वं जाव छउमत्था य केवली य, ते समांसओ दुविहा पण्णत्ता, तंजहापजत्ता य अपजत्ता य / तेसि णं भंते ! जीवाणं कइ सरीरा प० ? गोयमा ! पंच सरीरया प०, तंजहा-ओरालिए जाव कम्मए / सरीरोगाहणा जहण्णेणं अंगुलस्स अमंखेज० उक्कोसेणं तिण्णि गाउयाई छच्चेव संघयणा छस्संटाणा ! ते णं भंते ! जीवा किं कोहकसाई जाव लोभकसाई अकसाई ? गोयमा ! सव्वेवि / ते णं भंते ! जीवा किं आहारसण्णोवउत्ता जाव णोसण्णोवउत्ता ? गोयमा ! सव्वेवि / ते णं भंते! जीवा किं कण्हलेसा जाव अलेसा? गोयमा! सव्वैवि / सोइंदियोवउत्ता जाव णोइंदियोवउत्तावि, सव्वे समुग्घाया, तंजहा–वेयणासमुन्धाए जाव केवलिसमुग्घाए, सण्णीवि णोसण्णी असण्णीवि, इथिवेयावि जाव अवेयावि, पंच पजत्ती, तिविहावि दिट्ठी, चत्तारि दंसणा, णाणीवि अण्णाणीवि, जे णाणी ते अत्थेगइया दुणाणी अत्थेगइया तिणाणी अत्थेगइया चउणाणी अत्थेगइया एगणाणी, जे दुण्णाणी ते णियमा आभिणिबोहियणाणी सुयणाणी य, जे तिणाणी ते आमिणिबोहियणाणी सुयणाणी ओहिणाणी य, अहवा आभिणिबोहियणाणी सुयणाणी मणपजवणाणी य, जे चउणाशी ते णियमा आभिणिबोहियणाणी सुय० ओहि० मणपजवणाणी य, जे एगणाणी ते णियमा केवलणाणी, एवं अण्णाणीवि दुअण्णाणी तिअण्णाणी, मणजोगीवि वइकायजोगीवि अजोगीवि, दुविहउवओगे आहारो छद्दिसि उववाओ णेरइएहिं अहेसत्तमवजेहिं तिरिक्खजोणिएहितो, उववाओ असंखेजवासाउयवजेहिं मणुएहिं
