________________ जीवाजीवाभिगमे प० 1 131 तंजहा–रयणप्पभापुढविणेरइया जाव अहेसत्तमपुट विणेरइया, ते समासओ दुविहा पण्णत्ता, तं०-पजत्ता- य अपजत्ता य / तेसि | भंते ! जीवाणं कइ सरीरगा पण्णत्ता ? गोयमा ! तओ सरीरगा पण्णत्ता, तंजहा-वेउविए तेयए कम्मए / तेसि णं भंते ! जीवाणं केमहालिया सरीरोगाहणा पण्णत्ता ? गोयमा! दुविहा सरीरोगाहणा पण्णत्ता, तंजहा-भवधारणिज्जा य उत्तरवेउव्विया य, तत्थ णं जा सा भवधारणिज्जा सा जहण्णेणं अंगुलस्स असंखेजइभागं उक्कोसेणं पंचधणुसयाई, तत्थ णं जा सा उत्तरवेउव्विया सा जहण्णेणं अंगुलस्स संखेजहभागं उक्कोसेणं धणुसहस्सं / तेसि णं भंते ! जीवाणं सरीरा सिंघयणी पण्णत्ता ? गोयमा ! छण्हं संघयणाणं असंघयणी, णेवट्ठी णेव छिरा व हारु णेव संघयणमत्थि, जे पोग्गला अगिट्ठा अकंता अप्पिया असुभा अमणुण्णा अमणामा ते तेसि संघायत्ताए परिणमंति / तेसि णं भंते ! जीवाणं सरीरा किंसंठिया पण्णता ? गोयमा ! दुविहा पण्णत्ता, तंजहा-भवधारणिजा य उत्तरवेउब्विया य, तत्थ सं जे ते भवधारणिजा ते हुंडसंठिया, तत्थ णं जे ते उत्तरवेउव्विया तेवि हुंडसंठिया पण्णत्ता, चत्तारि कसाया चत्तारि सण्णाओ तिणि लेसाओ पंचें दिया चत्तारि समुग्घाया आइला, सण्णीवि असण्णीवि, णपुंसगवेया, छप्पजत्तीओ छ अपजत्तीओ, तिविहा दिट्ठी, तिणि दंसणा, णाणीवि अण्णाणीवि, जे णाणी ते णियमा तिण्णाणी, तंजहा-आभिणिबोहियणाणी सुयणाणी ओहिणाणी, जे अण्णाणी, ते अन्थेगइया दुअण्णाणी अत्थेगइया तिअण्णाणी, जे य दुअण्णाणी ते णियमा मइअण्णाणी सुयअण्णाणी य, जे तिअण्णाणी ते णियमा मइअण्णाणी य सुयअण्णाणी य विभंगणाणी य, तिविहे जोगे, दुविहे उवओगे, छद्दिसिं आहारो, ओसण्णं कारणं पडुच्च वण्णओ कालाई जाव आहारमाहारेति, उववाओ तिरियमणुस्सेसु, ठिई जहणणेणं दसवाससहरसाई उक्कोसेणं तेत्तीसं सागरोवमाई, दुविहा मरंति, उव्वट्टणा भाणियव्वा जओ आगया, णवरि संमुच्छिमेसु पडि सिद्धो, दुगइया दुआगइया परित्ता असंखेजा पण्णत्ता समणाउसो ! से तं णेरइया // 32 // से किं तं पंचेदियतिरिक्खजोणिया ? 2 दुविहा पण्णत्ता, तंजहा-समुच्छिमपंचेदियतिरिक्खजोणिया य गब्भवतियपंचिंदियतिरिक्खजोणिया य // 33 // से किं तं समुच्छिमपंचें दियतिरिक्खजोणिया ? 2 तिविहा पण्णत्ता, तंजहा-जलयरा थलयरा खहयरा // 34 // से किं तं जलयरा ? 2 पंचविहा पण्णत्ता, तंजहा-मच्छगा कच्छभा मगरा गाहा सुंसुमारा। से किं तं मच्छा ? hor