________________ अनंगपविट्ठसुत्ताणि समुद्दलिक्खा, जे यावण्णे तहप्पगारा, ते समासओ दुविहा पण्णत्ता, तंजहा-पजत्ता य अपजत्ता य / तेसि णं भंते ! जीवाणं कइ सरीरगा पण्णत्ता ? गोयंमा ! तओ सरीरगा पणत्ता, तंजहा-ओरालिए तेयए कम्मए / तेसि णं भंते ! जीवाणं केमहालिया सरीरओगाहणा पण्णत्ता ? गोयमा ! जहण्णेणं अंगुलासंखेजहभागं उक्कोसेणं बारसजोयणाई छेवट्ठसंघयणा हुंडसंठिया, चत्तारि कसाया, चत्तारि सण्णाओ, तिण्णि लेसाओ, दो इंदिया, तओ समुग्घाया-वेयणा कसाया मारणंतिया, णोसण्णी असण्णी, णपुंसगवेयगा, पंच पजत्तीओ, पंच अपजत्तीओ, सम्मदिट्ठीवि मिच्छादिट्ठीवि णो सम्मामिच्छादिट्ठी, णो चखुदंसणी अचखुदंसणी णो ओहिदसणी णो केवलदंसणी / ते णं भंते ! जीवा किं णाणी अण्णागी ? गोयमा ! णाणीवि अण्णाणीवि, जे णाणी ते णियमा दुण्णाणी, तंजहां-आमिणिबोहियणाणी सुयणाणी य, जे अण्णाणी ते णियमा दुअण्णाणी-मइअण्णाणी य सुयअण्णाणी य, णो मणजोगी वइजोगी कायजोगी, सागारोवउत्तावि अणागारोवउत्तावि, आहारो णियमा छद्दिसिं, उववाओ तिरियमणुस्सेसु णेरइयदेवअसंखेजवासाउयवजेसु, ठिई जहण्णेणं अंतोमुहत्तं उकोसेणं बारस संवच्छराणि, समोहयावि मरंति असमोहयावि मरंति, कहिं गच्छंति ? णेरइयदेवअसंखेजवासाउयवजेसु गच्छंति, दुगइया दुआगइया, परित्ता असंखेजा, सेत्तं बेइंदिया // 28 // से किं तं तेइंदिया ? 2 अणेगविहा पण्णत्ता, तंजहा-उवइया रोहिणिया जाव हत्थिसोंडा, जे यावण्णे तहप्पगारा, ते समासओ दुविहा पण्णत्ता, तंजहा-पजत्ता य अपजत्ता य, तहेव जहा बेइंदियाणं, णवरं सरीरोगाहणा उक्कोसेणं तिण्णि गाउयाई, तिणि इंदिया, ठिई जहण्णेणं अंतोमुहुत्तं उक्कोसेणं एगूणपण्णराइंदियाई, सेसं तहेव, दुगइया दुआगइया, परित्ता असंखेजा पण्णत्ता, से तं तेइंदिया // 29 // से किं तं चउरिदिया ? 2 अणेगविहा पण्णत्ता, तंजहा-अंधिया पुत्तिया जाव गोमयकीडा, जे यावण्णे तहप्पगारा ते समासओ दुविहा पण्णत्ता, तंजहा-पजत्ता य अपजत्ता य, तेसि णं भंते ! जीवाणं कइ सरीरगा पण्णत्ता ? गोयमा ! तओ सरीरगा पण्णत्ता तं चेव, णवरं सरीरोगाहणा उक्कोसेणं चत्तारि गाउयाई, इंदियाइं चत्तारि, चक्खुदंसणी अंचक्खुदंसणी, ठिई उक्कोसेणं छम्मासा, सेसं जहा तेइंदियाणं जाव असंखेजा पण्णत्ता, से तं चउरिंदिया // 30 // से किं तं पंचेंदिया ? 2 चउव्विहा पण्णत्ता, तंजहा-णेरइया तिरिक्खजोणिया मणुस्सा देवा // 31 // से कि तं जेरइया ? 2 सत्तविहा पण्णत्ता,
