________________ ___ जीवाजीवाभिगमे प० 1 126 उक्कोसेणं साइरेगजोवणसहस्मं, सरीरगा अणित्थंथसंठिया, ठिई जहण्णेणं अंतोमुहुत्तं उकोसे गं दसवाससहस्साई, जाव दुगइया तिआगइया परित्ता अणंता पण्णत्ता, सेत्तं बायरवणस्सइकाइया सेत्तं वणस्सइकाइया सेत्तं थावरा // 21 // से किं तं तसा ? 2 तिविहा पण्णत्ता, तंजहा-तेउक्काइया वाउक्काइया ओराला तसा पाणा // 22 // से किं तं तेउकाइया ? 2 दुविहा पण्णत्ता, तंजहा-सुहुमतेउकाइया य बायरतेउकाइया य // 23 // से किं तं सुहुमतेउक्काइया ? 2 जहा सुहुमपुढविक्काइया णवरं सरीरगा सूइकलावसंठिया, एगगइया दुआगइया परित्ता असंखेजा पण्णत्ता, सेसं तं चेव, सेत्तं सुहुमतेउक्काइया // 24 // से किं तं बायरतेउकाइया ? 2 अणेगविहा पण्णत्ता, तंजहा-इंगाले जाले मुम्मुरे जाव सूरकंतमणिणिस्सिए, जे यावण्णे तहप्पगारा, ते समासओ दुविहा पण्णत्ता, तंजहा-पज्जत्ता य अपजत्ता य / तेसिणं भंते ! जीवाणं कइ सरीरगा पण्णत्ता ? गोयमा ! तओ सरीरगा पण्णत्ता, तंजहा ओरालिए तेयए कम्मए, सेसं तं चेव, सरीरगा सूइकलावसंठिया तिण्णि लेस्सा, ठिई जहण्णेणं अंतोमुहत्तं उक्कीसेणं तिण्णि राइंदियाइं तिरियमणुस्सेहिंतो उववाओ, सेसं तं चेव एगगइया दुआगइया, परित्ता असंखेजा पण्णत्ता सेत्तं तेउकाइया / 25 / से किं तं वाउक्काइया ? 2 दुविहा पण्णत्ता, तंजहा-सहुमवाउक्काइया य बायरवाउकाइया य, सुहमवाउक्काइया जहा तेउकाइया णवरं सरीरा पडागसंठिया एगगइया दुआगइया परित्ता असंखिजा, सेत्तं सुहुमवाउक्काइया / से किं तं बायरवाउक्काइया ? 2 अणेगविहा पण्णत्ता, तंजहा-पाईणवाए पडीणवाए, एवं जे यावण्णे तहप्पगारा, ते समासओ दुविहा पण्णत्ता, तंजहा–पजत्ता य अपजत्ता य / तेसि णं भंते ! जीवाणं कइ सरीररगा पण्णत्ता ? गोयमा ! चत्तारि सरीरगा पण्णत्ता तंजहाओरालिए वेउव्विए तेयए कम्मए, सरीरगा पडागसंठिया, चत्तारि समुग्घायावेयणासमुग्घाए कसायसमुग्घाए मारणंतियसमुग्घाए वेउव्वियसमुन्धाए, आहारो णिव्वाघाएणं छद्दिसिं वाघायं पडुच्च सिय तिदिसिं सिय चउदिसिं सिय पंचदिसिं, उववाओ देवमणुयणेरइएसु णत्थि, ठिई जहण्णेणं अंतोमहत्तं उक्कोसेणं तिण्णि वाससहस्साई, सेसं तं चेव एगगइया दुआगइया परित्ता असंखेजा पण्णत्ता समणाउसो !, सेत्तं बायरवाउक्काइया, सेत्तं वाउकाइया // 26 // से किं तं ओराला तसा पाणा ? 2 चउघ्विहा पण्णत्ता, तंजहा-बेइंदिया तेइंदिया चउरिंदिया पंचेंदिया // 27 // से किं तं बेइंदिया ? 2 अणेगविहा पण्णत्ता, तंजहा-पुलाकिमिया जाव
