________________ 128 अनंगपविट्ठसुत्ताणि . परित्ता असंखेजा पण्णत्ता समणाउसो !, सेत्तं बायरआऊ, सेत्तं आउक्काइया // 17 // से कि तं वणस्सइकाइया ? 2 दुविहा पण्णत्ता, तंजहा सुहुमवणस्सइकाइया य बायरवणस्सइकाइया य / से किं तं सुहुमवणस्सइकाइया ? 2 दुविहा पण्णत्ता, तंजहा—पजत्तगा य अपजत्तगा य तहेव णवरं अणित्थंथ ( संठाण) संठिया, दुगइया दुआगइया अपरित्ता अणंता, अवसेसं जहा पुढविक्काइयाणं, से तं सुहुमबणस्सइकाइया // 18 // से किं तं बायरवणस्सइकाइया ? 2 दुविहा पण्णत्ता, तंजहा-पत्तेयसरीरबायरवणस्सइकाइया य साहारणसरीरबायरखणस्सइकाइया य // 19 // से किं तं पत्तेयसरीरबायरवमस्सइकाइया ? 2 दुवालसविहा पण्णत्ता, तंजहारुक्खा गुच्छा गुम्मा लया य वल्ली य पव्वगा चेव / तणवलयहरियओसहिजलरुहकुहणा य बोद्धव्वा ॥१॥से किं तं रुक्खा ? 2 दुविहा पण्णत्ता, तंजहा-एगट्ठिया य बहुबीया य / से किं तं एगहिया 12 अणेगविहा पण्णत्ता, तंजहा-णिबंबजंबु जाव पुण्णागणागरुक्खे सीवण्णि तहा असोगे य, जे यावण्णे तहप्पगारा, एएसि ण मूलावि असंखेजजीविया, एवं कंदा खंधा तया साला पवाला पत्ता पत्तेयजीवा पुप्फाई अणेगजीवाइं फला एगट्ठिया, सेत्तं एगट्ठिया / से किं तं बहुबीया ? 2 अणेगविहा पण्णत्ता, तंजहा-अस्थियतेंदुयउंबरकविढे आमलकफणसदाडिमणगोहकाउंबरीयतिलयलउयलोद्धे धवे, जे यावण्णे तहप्पगारा, एएसि णं मूलावि असंखेजजीविया जाव फला बहुबीयगा, सेत्तं बहुबीयगा, सेत्तं रुक्खा, एवं जहा पण्णवणाए तहा भाणियव्वं, जाव जे यावण्णे तहप्पगारा, सेत्तं कुहणा-णाणाविहसंठाणा रुक्खाणं एगजीविया पत्ता / खंधोवि एगजीवो तालसरलणालिएरीणं // 1 // 'जह सगलसरिसवाणं पत्तेयसरीराणं' गाहा // 2 // 'जह वा तिलसक्कुलिया' गाहा // 3 // सेत्तं पत्तेयसरीरबायरवणस्सइकाइया // 20 // से किं तं साहारणसरीरबायरवणस्सइकाइया ? 2 अणेगविहा पण्णत्ता, तंजहा-आलुए मूलए सिंगबेरहिरिलि. सिरिलिसिस्सिरिलिकिट्टिया छिरिया छिरियविरालिया कण्हकंदे वजकंदे सूरणकंदे खल्लूडे किमिरासि भद्दे मोत्थापिंडे हलिद्दा लोहारी णीह (ठिह) थिभु अस्सकण्णी सीहकण्णी सीउंढी मुसंढी जे यावण्णे तहप्पगारा ते समासओ दुविहा पुण्णत्ता, तंजहा-पजत्तगा य अपजत्तगा य / तेसि णं भंते ! जीवाणं कइ सरीरगा पण्णत्ता? गोयमा ! तओ सरीरगा पण्णत्ता, तंजहा-ओरालिए तेयए कम्मए, तहेव जहा बायरपुढविकाइयाणं, णवरं सरीरोगाहणा जहण्णेणं अंगुलस्स असंखेजइभागं
