________________ जीवाजीवाभिगमे प०१ 127 दीवगअसंखेज्जवासाउयवज्जेसु पज्जत्तापज्जत्तएसु उववज्जति / / ते णं भंते ! जीवा कइगइया कइआगइया पण्णता ? गोयमा ! दुगइया दुआगइया, परित्ता असंखेज्जा पण्णत्ता समणाउसो ! से तं सुहुमपुढविक्काइया // 13 // से किं तं बायरपुढविकाइया ? 2 दुविहा पण्णत्ता, तंजहा—सण्हबायरपुढविक्काइया य ग्वरबायरपुढविकाइया य // 14 // से किं तं सहबायरपुढविक्काइया ? 2 सत्तविहा पण्णत्ता, तंजहा-कण्हमट्टिया, भेओ जहा पण्णवणाए जाव ते समासओ दुविहा पण्णत्ता, तंजहा-पजत्तगा य अपजत्तगा य / तेसि णं भंते ! जीवाणं कइ सरीरगा पण्णत्ता ? गोयमा ! तओ सरीरगा प०, तंजहा-ओरालिए तेयए कम्मए, तं चेव सव्वं णवरं चत्तारि लेसाओ, अवसेसं जहा सुहुमपुढविक्काइयाणं आहारो जाव णियमा छद्दिसिं, उववाओ तिरिक्खजोणियमणुस्सदेवेहितो, देवेहिं जाव सोहम्भेसाहितो, ठिई जहण्णेणं अंतोमुहत्तं उक्कोसेणं बावीसं वाससहस्साइं / ते णं भंते ! जीवा मारणंतियसमुग्धाएणं किं समोहया मरंति असमोहया मरंति ? गोयमा ! समोहयावि मरंति असमोहयावि मरंति / ते णं भंते ! जीवा अणंतरं उव्वट्टित्ता कहिं गच्छंति ? कहिं उववजंति ?-किं णेरइएसु उववजंति 10, पुच्छा, गो० णो णेरइएसु उववजंति तिरिक्खजोणिएसु उववजति मणुस्सेसु उव० णो देवेसु उव० तं चेव जाव असंखेजवासाउयवजेहिंतो उ० / ते णं भंते ! जीवा कइगइया कइआगइया पण्णत्ता ? गोयमा ! दुगइया तिआगइया परित्ता असंखेजा प० समणाउसो ! से तं बायरपुढविक्काइया / सेत्तं पुढविकाइया // 15 // से किं तं आउक्काइया ? 2 दुविहा पण्णत्ता, तंजहा-सुहुमआउक्काइया य बायरआउकाइया य, सुहुमआउ० दुविहा पण्णत्ता, तंजहा-पज्जत्ता य अपजत्ता य / तेसि णं भंते ! जवाणं कइ सरीरया पण्णत्ता ? गोयमा ! तओ सरीरया पण्णत्ता, तंजहा-ओरालिए तेयए कम्मए, जहेव सुहुमपुढविक्काइयाणं, णवरं थिबुगसंठिया पणत्ता, सेसं तं चेव जाव दुगइया दुआगइया परित्ता असंखेजा पण्णत्ता / से त्तं सुहुमआउक्काइया // 16 // से किं तं बायरआउक्काइया ? 2 अणेगविहा पण्णत्ता, तंजहा-ओसा हिमे जाव जे यावण्णे तहप्पगारा, ते समासओ दुविहा पण्णत्ता, तंजहा–पजत्ता य अपंजत्ता य, तं चेव सव्वं णवरं थिबुगसंठिया, चत्तारि लेसाओ, आहारो णियमा छद्दिसिं, उववाओ तिरिक्खजोणियमणुस्सदेवेहितो, ठिई जहण्णेणं अंतोमुहुत्तं उक्कोसेणं सत्तवाससहस्साई, सेसं तं चेव जहा बायरपुढविकाइया जाव दुगइ या तिआगइया
