________________ 132 अनंगपविट्ठसुत्ताणि एवं जहा पण्णवणाए जाव जे यावण्णे तहप्पगारा, ते समासओ दुविहा पणत्ता, तंजहा-पजत्ता य अपजत्ता य / तेसि णं भंते ! जीवाणं कइ सरीरगा पण्णत्ता ? गोयमा ! तओ सरीरगा पण्णत्ता तंजहा-ओरालिए तेयए कम्मए, सरीरोगाहणा जहण्णेणं अंगुलस्स असंखेजइभागं उक्कोसेणं जोयणसहस्सं, ठेवट्ठसंघयणी, हुंडसंठिया, चत्तारि कसाया, सण्णाओवि 4, लेसाओ तिण्णि, इंदिया पंच, समुग्घाया तिण्णि णो सण्णी असण्णी, णपुंसगवेया, पजत्तीओ अपजत्तीओ य पंच, दो दिट्ठीओ, दो दंसणा, दो णाणा दो अण्णाणा, दुविहे जोगे, दुविहे उवओगे, आहारो छहिसिं, उववाओ तिरियमणुस्सेहिंतो णो देवेहिंतो णो णेरइएहितो, तिरिएहितो असंखेजवासाउयवजेहिंतो, अकम्मभूमगअंतरदीवगअसंखेजवासाउयवजेसु मणुस्सेसु, ठिई जहण्णेणं अंतोमुहुत्तं उक्कोसेणं पुव्वकोडी, मारणंतियसमुग्घाएणं दुविहावि मरंति, अणंतरं उव्वटित्ता कहिं० १णेरइएसुवि तिरिक्खजोमिएसुवि मणुस्सेसुवि देवेसुवि, णेरइएसु रयणप्पहाए, सेसेसु पडिसेहो, तिरिएसु सव्वेसु उववजंति संखेजवासाउएसुवि असंखेजवासाउएसुवि चउप्पएसु पक्खीसुवि मणुस्सेसु सव्वेसु कम्मभूमिएसु णो अकम्मभूमिएसु अंतरदीवएसुवि संखिजवासाउएसुवि असंखिजवासाउएसुवि (पजत्तएसुवि अपजत्तएसुवि)देवेसु जाव वाणमंतरा, चउगइया दुआगइया, परित्ता असंखेजा पण्णत्ता। से तं समुच्छिमजलयरपंचेंदियतिरिक्खजोणिया // 35 // से किं तं थलयरसमुच्छिमपंचेंदियतिरिक्खजोणिया ? 2 दुविहा पण्णत्ता, तंजहाचउप्पयथलयरसमुच्छिमपंचेंदियतिरिक्खजोणिया परिसप्पसंमु०। से किं तं चउप्पयथलयरसमुच्छिम० 1 2 चउव्विहा पण्णत्ता, तंजहा-एगखुरा दुखुरा गंडीपया सण फया जाव जे यावण्णे तहप्पगारा ते समासओ दुविहा पण्णत्ता, तंजहापजत्ता य अपजत्ता य, तओ सरीरगा ओगाहणा जहण्णेणं अंगुलस्स असंखेजइभागं उक्कोसेणं गाउयपुहत्तं ठिई जहण्णेणं अंतोमुहत्तं उक्कोसेणं चउरासीइवाससहस्साई, सेसं जहा जलयराणं जाव चउगइया दुआगइया परित्ता असंखेजा पण्णत्ता, सेत्तं चउप्पयथलयरसंमु० / से किं तं थलयरपरिसप्पसंमुच्छिमा 1 2 दुविहा पण्णत्ता, तंजहा-उरपरिसप्पसंमुच्छिमा भुयपरिसप्पसंमुच्छिमा। से किं तं उरपरिसप्पसंमुच्छिमा ? 2 चउन्विहा पण्णत्ता, तंजहा-अही अयगरा आसालिया महोरगा। से किं तं अही ? अही दुविहा पण्णत्ता, तंजहा-दव्वीकरा मउलिणो य / से किं तं दव्वीकरा 1 2 अणेगविहा पण्णत्ता, तंजहा-आसीविसा जाव से तं दव्वीकरा /
