________________ - रायपसेणइयं 117 परियाणाइ, तुसिणीए संचिट्ठइ / तए णं तीसे सूरियकताए देवीए इमेयारूवे अज्झथिए जाव समुप्पजित्था-"मा गं सूरियकंते कुमारे पए सिस्स रणो इमं रहस्सभेयं करिस्सइ” तिकटु पएसिस्स रण्णो छिद्दाणि य मम्माणि य रहस्साणि य विवराणि य अंतराणि य पडिजागरमाणी 2 विहरइ / तए णं सूरियकता देवी अण्णया कयाइ पएसिस्स रण्णो अंतरं जाणइ 2 त्ता असणं जाव साइमं सव्ववत्थगंधमलालंकारं विसप्पओगं पउंजइ / पएसिस्स रण्णो ण्हायस्स जाव पायच्छित्तस्स मुहासणवरगयस्स तं विससंजुत्तं असणं 4 वत्थं जाच अलंकारं णिसिरेइ, घायइ / तए णं तस्स पएसिस्स रण्णो तं विससंजुत्तं असणं 4 आहारेमाणस्स सरीरंगमि वेयणा पाउन्भूया उजला विउला पगाढा कक्कसा कडुया फरसा णि?रा चण्डा तिव्वा दुक्खा दुग्गा दुरहियासा, पित्तजरपरिगयसरीरे दाहवक्ते यावि विहरइ // 75 // तए णं से पएसी राया सूरियकताए देवीए अत्ताणं संपलद्धं जाणित्ता सूरियकताए देवीए मणसा वि अप्पदुस्समाणे जेणेव पोसहसाला तेणेव उवागच्छइ 2 त्ता पोसहसालं पमजइ 2 त्ता उच्चारपासर्वणभूमि पडिलेहेइ 2 त्ता दब्मसंथारगं संथरेइ 2 त्ता दम्भसंथारगं दुरुहइ 2 ता पुरस्थाभिमुहे संपलियंकणिसण्णे करयलपरिग्गहियं सिरसावत्तं मत्थए अंजलिं कटु एवं वयासी-"णमोऽत्थु णं अरहताणं जाव संपत्ताणं / णमोऽत्थु णं केसिस्स कुमारसमणस्स मम धम्मायरियस्स धम्मोवएसगस्स। वंदामिणं भगवंतं तत्थगयं इहगए, पासउ मे भगवं तत्थगए इहगयं” त्तिकटु वंदइ णमंमइ, “पुट्विं पि णं मए केसिस्स कुमारसमणस्स अंतिए थूलपाणाइवाए पञ्चवखाए जाव परिग्गहे / तं इयाणि पिणं तस्सेव भगवओ अंतिए सव्वं पाणाइवायं पच्चक्खामि जाव परिग्गहं, सव्वं कोहं जाव मिच्छादसणसलं, अकरणिजं जोगं पच्चक्खामि, सव्वं असणं चउव्विहं पि आहारं जावजीवाए पच्चक्खामि, जंपि य मे सरीरं इट्ट जाव फुमंतुत्ति एवं पि य णं चरिमेहिं ऊसासणिस्सासेहिं वोसिरामि" त्तिकटु आलोइयपडिक्कंते समाहिपत्ते कालमासे कालं किच्चा सोहम्मे कम्पे सूरियाभे विमाणे उववायसभाए जाव उववण्णे / / तए णं से सूरियामे देवे अहुणोववण्णए चेव समाणे पंच. विहाए पजत्तीए पजत्तिभावं गच्छइ / तं जहा-आहारपज्जत्तीए सरीरपजत्तीए इंदियपजत्तीए आणपाणपजत्तीए भासामणपजत्तीए / तं एवं खलु भो सूरियामेणं देवेणं सा दिव्या देविड्ढी दिव्वा देवजुई दिव्वे देवाणुभावे लद्धे पत्ते अभिसमण्णागए" // 76 // "सूरियाभस्स णं भंते ! देवस्स केवइयं कालं ठिई पण्णत्ता ?"
