________________ 112 अनंगपविट्ठसुत्ताणि छमत्थे मणुस्से सव्वभावेणं ण जाणइ ण पासइ। तं जहा-धम्मत्थिकायं 1 अधम्भथिकायं 2 आगासत्थिकायं 3 जीवं असरीरबद्धं 4 परमाणुपोग्गलं 5 सदं 6 गंध 7 वायं 8 अयं जिणे भविस्सइ वा णो भविस्सइ 9 अयं सव्वदुक्खाणं अंतं करिस्सइ वा णो वा"१० ! एयाणि चेव उप्पण्णणाणदंसणधरे अरहा जिणे केवली सव्वभावेणं जाणइ पासह / तं जहा-धम्मत्थिकायं जाव णो वा करिस्सइ / तं सद्दहाहि णं तुमं पएसी ! जहा अण्णो जीवो"तं चेव" // 7 // तए णं से पएसी राया केमि कुमारसमणं एवं क्यासी-“से गुणं भंते! हथिस्स य कुंथुस्स य समे चेव जीवे ?" "हंता पएसी ! हथिस्स य कुंथुस्स य समे चेव जीवे"। "से Yणं भंते ! हत्थीर कुंथू अपकम्मतराए चेव अप्पकिरियतराए चेव अप्पासवतराए चेव, एवं आहारणीहारउस्सासणीसासइड्ढीमहजुईए अप्पतराए चेव, एवं च कुंथुओ हत्थी महाकम्मतराए चेव महाकिरिय जाव महाजुइत्तराए ?" "हंता पएसी ! हत्थीओ कुंथू अप्पकम्मतराए चेव कुंथुओ वा हत्थी महाकम्मतराए चेव"तं चेव"। "कम्हा णं भंते! हत्थिस्स य कुंथुस्स य समे चेव जीवे ?" “पएसी से जहाणामए कुडागारसाल्य सिया जाव गम्भीरा, अह णं केइ पुरिसे जोई वा दीवं वा गहाय तं कूडागारसालं अंतो 2 अणुपविसइ / तीसे कुडागारसालाए सव्वओ समंता घणणिचियणिरंतरणिच्छिड्डाई दुवारवयणाई पिहेइ २.त्ता तीसे कूडागारसालाए बहुमज्झदेसभाए तं पईवं पलीवेजा, तए णं से पईवे तं कूडागारसालं अंतो 2 ओभासइ उज्जोवेइ तवइ पभासेइ, णो चेव णं बाहिं / अह णं से पुरिसे तं पईवं इड्डरएणं पिहेजा, तए णं से पईवे तं इड्डरयं अंतो 2 ओभासेइ०, णो चेव णं इड्डरगस्स बाहिँ णो चेव णं कूडागारसालं णो चेव णं कूडागारसालाए बाहिं / एवं गोकिलिंजेणं गण्डमाणियाए पत्थियपिडएणं आढएणं अद्धाढएणं पत्थएणं अद्धपत्थएणं कुलवेणं अद्धकुलवेणं चाउभाइयाए अट्ठभाइयाए सोलसियाए बत्तीसियाए चउसट्टियाए दीवचम्पएणं, तए णं से पईवे दीवचम्पगस्स अंतो 2 ओभासइ 4 णो चेव णं दीवचम्पगस्स बाहिं (णो चेव णं चउसट्टियं) णो चेव णं चउसट्टियाए बाहिं णो चेव णं कूडागारसालं णो चेवणं कूडागारसालाए बाहिं / एवामेव पएसी ! जीवे वि जं जारिसयं पुवकम्मणिबद्धं बोंदि णिवत्तेइ, तं असंखेजेहिं जीवपएसेहिं सचित्तं करेइ खुड्डियं वा महालियं वा। तं सद्दहाहि णं तुमं पएसी ! जहा अण्णो जीवो"तं चेव".॥७॥ तए णं पएसी राया केसि कुमारसमणं एवं वयासी-“एवं खलु भंते ! मम अजगस्स एसा
