________________ रायपसेणइयं अवणेमाणे पासइ जत्थ केसी कुमारसमणे महइमहालियाए महच्चपरिसाए मझगए महया 2 सद्देणं धम्ममाइक्खमाणं पासित्ता इमेयारूवे अज्झथिए जाव समुप्पजित्था-"जड्डा खलु भो जड्डे पज्जुवासंति, मुण्डा खलु भो मुण्डं पज्जुवासंति, मूढा खलु भो मूढं पज्जुवासंति, अपण्डिया खलु भो अपण्डियं पज्जुवासंति, णिविण्णाणा खलु भो णिविण्णाणं पज्जुवासंति / से केस णं एस पुरिसे जड्डे मुण्डे मूढे अपडिए णिविण्णाणे सिरीए हिरीए उवगए उत्तप्पसरीरे / एस णं पुरिसे किमाहारमाहारेइ किं परिणामेइ किं खाइ कि पियइ कि दलइ किं पयच्छई, जे णं एमहालियाए मणुस्सपरिसाए मझगए महया 2 सद्देणं बुयाए ?" एवं संपेहेइ 2 त्ता चित्तं सारहिं एवं वयासी-"चित्ता ! जड्डा खलु भो जड्डे पज्जुवासंति जाव बुयाए / साए वि य णं उजाणभूमीए णो संचाएमि सम्म पकामं पवियरित्तए।" तए णं से चित्ते सारही पएसीरायं एवं वयासी-“एस णं सामी ! पासावच्चिज्जे केसी णामं कुमारसमणे जाइसंपण्णे जाव चउणाणोवगए आहोहिए अण्णजीवी।" तए णं से पएसी राया चित्तं सारहिं एवं वयासी-"आहोहियं णं वयासि चित्ता ! अण्णजीवियं च णं वयासि चित्ता?" "हन्ता ! सामी ! आहोहियं णं वयामि अण्णजीवियं च णं वयामि / " “अभिगमणिजे णं चित्ता ! अहं एस पुरिसे ?" हंता सामी! अभिगमणिजे / " अभिगच्छामो णं चित्ता ! अम्हे एवं पुरिसं ?" “हता सामी ! अभिगच्छामो" // 59 // तए णं से पएसी राया चित्तेण सारहिणा सद्धिं जेणेव केसी कुमारसमणे तेणेव उवागच्छइ 2 त्ता केसिस्स कुमारसमणस्स अदूरसामंते ठिच्चा एवं वयासी-"तुब्भे गं भंते ! आहोहिया अण्णजीचिया ?" / तए णं केसी कुमारसमणे पएसिं रायं एवं वयासी-“पएसी ! से जहाणामए अंकवाणिया इ वा संखवाणिया इ वा दंतवाणिया इ वा मणिवाणिया ई वा सुंक भंसिउंकामा णो सम्म पंथं पुच्छंति एवामेव पएसी ! तु० विणयं भंसेउकामो णो सम्म पुच्छसि / से गूणं तव पएसी ! ममं पासित्ता अयमेयारूवे अज्झथिए जाव समुप्पजित्था-'जड्डा खलु भो जड्ड पज्जुवासंति जाव पवियरित्तए / ' से णूणं पएसी ! एस अढे समढे ?" "हंता अत्थि" // तए णं से पएसी राया केसि कुमारसमणं एवं वयासी-" से के णं भंते ! तुझं णाणे वा दंसणे वा जेणं तुझे मम एयारूवं अज्झत्थियं जाव संकप्पं समुप्पण्णं जाणह पासह ?" तए णं से केसी कुमारसमणे पएसिं रायं एवं वयासी-“एवं खलु पएसी ! अम्हं समणाणं णिग्गंथाणं पञ्चविहे गाणे प०, तं
