________________ रायपसेणइयं देवाणुप्पिया !''पएसिस्स बहुगुणतरं होजा सयस्स वि य णं जणवयस्स" // 5 // तए णं केसी कुमारसमणे चित्तं सारहिं एवं वयासी-“एवं खलु चउहिं ठाणेहिं चित्ता ! जीवे केवलिपण्णत्तं धम्म णो लभेजा सवणयाए / तं जहा-आरामगयं वा उजाणगयं वा समणं वा माहणं वा णो अभिगच्छइ णो वंदइ णो णमंसइ णो सक्कारेइ णो संमाणेइ णो कल्लाणं मंगलं देवयं चेइयं पज्जुवासेइ, णो अट्ठाई हेऊई पसिणाई कारणाई वागरणाई पुच्छइ, एएणं ठाणेणं चित्ता ! जीवे केवलिपण्णत्तं धम्म णो लभइ सवणयाए 1 / उवस्सयगयं समणं वा तं चेव जाव एएण वि ठाणेणं चित्ता ! जीवे केवलिपण्णत्तं धम्म णो लभइ सवणयाए 2 / गोयरग्गगयं समणं वा माहणं वा जाव णो पज्जुवासइ, णो विउलेणं असणपाणखाइमसाइमेणं पडिलाभेइ, णो अट्ठाई जाव पुच्छइ, एएणं ठाणेणं चित्ता ! जीवे केवलिपण्णत्तं धम्म णो लभइ सवणयाए 3 / जत्थ वि य णं समणेण वा माहणेण वा सद्धिं अभिसमागच्छइ, तत्थ वि य णं हत्थेण वा वत्थेण वा छत्तेण वा अप्पाणं आवरित्ता चिट्ठइ, णो अट्ठाई जाव पुच्छइ, एएण वि ठाणेणं चित्ता ! जीवे केवलिपण्णत्तं धम्मं णो लभइ सवणयाए 4 / एएहिं च णं चित्ता ! चउहिँ ठाणेहिं जीवे केवलिपण्णत्तं धम्म णो लभइ सवणयाए / चउहि ठाणेहिं चित्ता ! जीवे केवलीपण्णत्तं धम्म लभइ सवणयाए / तं जहा–आरामगयं वा उजाणगयं वा समणं वा माहणं वा वंदइ णमंसइ जाव पज्जुवासइ अट्ठाई जाव पुच्छइ, एएण वि जाव लभइ सवणयाए / एवं उवस्सयगयं गोयरग्गगयं समणं वा जाव पज्जुवासइ विउलेणं जाव पडिलाभेइ अट्ठाई जाव पुच्छइ, एएण वि ठाणेणं जाव सवणयाए / जत्थ वि य णं समणेण वा माहणेण वा अभिसमागच्छइ तत्थ वि य णं णो हत्थेण वा जाव आवरेत्ताणं चिट्ठइ, एएण वि ठाणेणं चित्ता ! जीवे केवलिपण्णत्तं धम्मं लभइ सवणयाए / तुझं च णं चित्ता ! पएसी राया आरामगयं वा तं चेव सव्वं भाणियत्वं आइल्लएणं गमएणं जाव अप्पाणं आवरेत्ता चिट्ठा / तं कहं णं चित्ता ! पए सिस्स रण्णो धम्ममाइविखस्सामो ?" / तए णं से चित्ते सारही केसि कुमारसमणं एवं वयासी-“एवं खलु भंते ! अण्णया कयाइ कम्बोएहिं चत्तारि आसा उवणयं उवणीया, ते मए पए सिस्स रण्णो अण्णया चेव उर्वणीया / तं एएणं. खलु भंते ! कारणेणं अहं पएसिं रायं देवाणुप्पियाणं अंतिए हव्वमाणेस्तामो, तं मा णं देवाणुप्पिया ! तुम्भे पएसिस्स रण्णो धम्ममाइक्खमाणा गिलाएजाह / अगिलाए णं भंते ! तुम्भे पएसिस्स रण्णो धम्ममाइक्खेजाह, छंदेणं
