________________ ___ अनंगपविट्ठसुत्ताणि यस्स वि सवणयाए हट्टतुट्ठ जाव हियए भवइ से णं एस केसी कुमारसमणे पुव्वाणुपुट्विं चरमाणे गामाणुगामं दूइजमाणे इहमागए इह. संपत्ते इह समोसढे इहेव सेयवियाए णयरीए बहिया मियवणे उजाणे अहापडिरूवं जाव विहरइ / तं गच्छामो णं देवाणुप्पिया ! चित्तस्स सारहिस्स एयमढ़े पियं णिवेएमो, पियं से भवउ” / अण्णमण्णस्स अंतिए एयमढे पडिसुणंति 2 त्ता जेणेव सेयविया णयरी जेणेव चित्तस्स सारहिस्स गिहे जेणेव चित्ते सारही तेणेव उवागच्छंति 2 त्ता चित्तं सारहिं करयल जाव वद्धाति 2 त्ता एवं वयासी-"जस्स णं देवाणुप्पिया ! दंसणं कंखेति जाव अभिलसंति, जस्स णं णामगोयस्स वि सवणयाए हट्ट जाव भवह, से णं अयं पासावच्चिजे केसी कुमारसमणे पुव्वाणुपुट्विं चरमाणे''जाव समोसढे जाव विहरइ // 56 // तए णं से चित्ते सारही तेसिं उजाणपालगाणं अंतिए एयमट्टं सोचा णिसम्म हट्टतुट्ठ जाव आसणाओ अब्भुढेइ, पायपीटाओ पच्चोरुहइ रत्ता पाउयाओ ओमुयइ 2 त्ता एगसाडियं उत्तरासंगं करेइ, अञ्जलिमउलियग्गहत्थे के सिकुमारसमणाभिमुहे सत्तट्ठ पयाइं अणुगच्छइ २त्ता करयलपरिग्गहियं सिरसावत्तं मत्थए अंजलिं कट्ठ एवं वयासी-"णमोऽथु णं अरहंताणं जाव संपत्ताणं / णमोऽथु णं के सिस्स कुमारसमणस्स मम धम्मायरियस्स धम्मोवएसगस्स, वंदामि णं भगवंतं तत्थगयं इहगए पासउ मे" त्तिकटु वंदइ णमंसइ / ते उजाणपालए विउलेणं वत्थगंधमल्लालंकारेणं सक्कारेइ संमाणेइ विउलं जीवियारिहं पीइदाणं दलयइ रत्ता पडिविसजेइ रत्ता कोडुम्बियपुरिसे सद्दावेइ 2 ता एवं वयासी-" खिप्पामेव भो देवाणु प्पिया ! चाउघंटं आसरहं जुत्तामेव उवहवेह जाव पच्चप्पिणह” / तए णं ते कोडुम्बियपुरिसा जाव खिप्पामेव सच्छत्तं सज्झयं जाव उवट्ठवित्ता तमाणत्तियं पच्चपिणंति / तए णं से चित्ते सारही कोडुम्बियपुरिसाणं अंतिए एयमढे सोच्चा णिसम्म हट्टतुट्ठ जाव हियए व्हाए कयबलिकम्मे जाव सरीरे जेणेव चाउग्घंटे जाव दुरूहित्ता सकोरंट"""महया भडचडगरेणं तं चेव जाव पज्जुवासइ धम्मकहा जाव / तए णं से चित्ते सारही केसिस्स कुमारसमणस्स अंतिए धम्म सोचा णिसम्म हट्टतुट्ठ० तहेव एवं वयासी"एवं खलु भंते ! अम्हं पएसी राया अधम्मिए जाव सयस्स वि णं जणवयस्स णो सम्मं करभरवित्तिं पवत्तेइ / तं जइ णं देवाणुप्पिया ! पए सिस्स रण्णो धम्ममाइक्खेजा बहुगुणतरं खलु होजा पए सिस्स रण्णो तेसिं च बहूणं दुपयच उप्पयमियपसुपक्खिसिरीसिवाणं तेसिं च बहूणं समणमाहणभिक्खुयाणं, तं जइ णं
