________________ 67 रायपसेणइयं 2 त्ता पाडिहारिएणं पीढफलग जाव उवणिमंतेजाह, एयमाणत्तियं खिप्पामेव पञ्चम्पिगेजाह" / तए णं ते उजाणपालगा चित्तेणं सारहिणा एवं धुत्ता समाणा हट्टतुट्ठ जाव हियया करयलपरिग्गहियं जाव एवं वयासी-"तह" त्ति आणाए विणएणं चेव वयणं पडिसुणंति / / 53 // तए णं से चित्ते सारही जेणेव सेयविया णयरी तेणेव उवागच्छइ 2 त्ता सेयवियाए णयरीए मझमज्झेणं अणुपविसइ 2 त्ता जेणेव पए सिस्स रणो गिहे जेणेव बाहिरिया उवट्ठाणसाला तेणेव उवागच्छइ 2 त्ता तुरए णिगिण्हइ 2 त्ता रहं ठवेइ 2 त्ता रहाओ पच्चोरुहद 2 त्ता तं महत्थं जाव गेण्हइ 2 त्ता जेणेव पएसी राया तेणेव उवागच्छइ 2 त्ता पएसिं रायं करयल जाव वद्धावेत्ता तं महत्थं जाव उवणेइ / तए णं से पएसी राया चित्तस्स सारहिस्स तं महत्थं जाव पडिच्छइ 2 त्ता चित्तं सारहिं सकारेइ संमाणेइ स० 2 ता पडिविसजेइ / तए णं से चित्ते सारही पएसिणा रण्णा विसजिए समाणे हट्ट जाव हियए पए सिस्स रणो अंतियाओ पडिणिक्खमइ 2 त्ता जेणेव चाउग्धंटे आसरहे तेणेव उवागच्छइ 2 त्ता चाउग्घंटं आसरहं दुरूहइ 2 त्ता सेयवियाए णयरीए मज्झंमज्झेणं जेणेव सए गेहे तेणेव उवागच्छइ 2 त्ता तुरए णिगिण्हइ 2 त्ता रहं ठवेइ 2 त्ता रहाओ पच्चोरुहइ 2 त्ता हाए जाव उचिं पासायवरगए फुट्टमाणेहिं मुइङ्गमत्थएहिं बत्तीसइबद्धएहि णाडएहिं वरतरुणीसंपउत्तेहिं उवणच्चिजमाणे 2 उवगाइजमाणे 2 उवलालिजमाणे 2 इढे सद्दफरिस जाव विहरइ // 54 // तए णं केसीकुमारसमणे अण्णया कयाइं पाडिहारियं पीढफलगसेजासंथारगं पच्चप्पिणइ 2 त्ता सावत्थीओ णयरीओ कोढगाओ चेइयाओं पडिणिक्खमइ 2 त्ता पञ्चहिं अणगारसएहिं जाव विहरमाणे जेणेव केइयअद्धे जणवए जेणेव सेयविया णयरी जेणेव मियवणे उजाणे तेणेव उवागच्छइ 2 त्ता अहापडिरूवं उग्गहं उम्गिण्हित्ता संजमेणं तवसा अप्पाणं भावमाणे विहरइ // 55 // तए ण सेयवियाए णयरीए सिंघाडग"" महया जणसद्दे इ वा"परिसा णिग्गच्छइ / तए णं ते उजाणपालगा इमीसे कहाए लट्ठा समाणा हट्टतुट्ठ जाव हियया जेणेव केसी कुमारसमणे तेणेव उवागच्छति 2 त्ता केसि कुमारसमणं वंदति णमंसंति वं० 2 त्ता अहापडिरूवं उग्गहं अणुजाणंति० पाडिहारिएणं जाव संथारएणं उवणिमंतेति० णामं गोयं पुच्छंति० ओधारेंति० एगंतं अवकमंति 2 त्ता अण्णमण्णं एवं वयासी-“जस्स णं देवाणुप्पिया ! चित्ते सारही दंसणं कंखइ दंसणं पत्थेइ दंसणं पीहेइ दंसणं अभिलसइ जस्स णं णामगो
