________________ अनंगपविट्ठसुत्ताणि जणवयस्स मज्झमज्झेणं जेणेव कुणाला जणवए जेणेव सावत्थी णयरी तेणेव उवागच्छइ 2 त्ता सावत्थीए णयरीए मझमज्झेणं अणुपविसइ 2 त्ता जेणेव जियसत्तुस्स रण्णो गिहे, जेणेव बाहिरिया उवट्ठाणसाला, तेणेव उवागच्छइ 2 ला तुरए णिगिण्हइ 2 त्ता रहं ठवेइ 2 त्ता रहाओ पच्चोरुहइ 2 त्ता तं महत्थं जाव पाहुडं गिण्हइ 2 त्ता जेणेव अभितरिया उवट्ठाणसाला जेणेव जियसत्तू राया तेणेव उवागच्छइ 2 त्ता जियसत्तुं रायं करयलपरिग्गहियं जाव कंटु जएणं विजएणं वदावेइ २त्ता तं महत्थं जाव पाहूडं उवणेइ / तए णं से जियसत्तू राया चित्तस्स सारहिस्स तं महत्थं जाव पाहुडं पडिच्छइ 2 त्ता चित्तं सारहिं सक्कारेइ संमाणे इ स० २त्ता पडिविसजेइ, रायमग्गमोगाढं च से आवासं दलयइ / तए णं से चित्ते सारही विसजिए समाणे जियसत्तुस्स रण्णो अंतियाओ पडिणिवखमइ 2 त्ता जेणेव बाहिरिया उवट्ठाणसाला जेणेव चाउघंटे आसरहे तेणेव उवागच्छइ 2 त्ता चाउग्घंटं आसरहं दुरुहइ 2 त्ता सावत्थीए णयरीए मज्झंमज्झेणं जेणेव रायमग्गमोगाढे आवासे तेणेव उवागच्छइ 2 त्ता तुरए णिगिप्हइ 2 त्ता रहं ठवेइ 2 ता रहाओ पच्चोरुहइ, हाए कयबलिकम्मे कयकोउयमंगलपायच्छित्ते सुद्धप्पावेसाई मंगलाई वत्थाई पवरपरिहिए, अप्पमहन्याभरणालंकियसरीरे, जिमियभुत्तुत्तरागए वि य णं समाणे पुव्वावरण्हकालसमयंसि गंधव्वेहि य णाडएहि य उवणचिचजमाए 2 उवगाइजमाणे 2 उवलालिजमाणे 2 इडे सद्दफरिसरसरूवगंधे पंच विहे माणस्सए कामभोए पचणुभवमाणे विहरइ // 47 // तेणं कालेणं तेणं समएणं पासावच्चिने केसी णामं कुमारसमणे जाइसंपण्णे कुलसंपण्णे बलसंपण्णे रूसंपण्णे विणयसंपण्णे णाणसंपण्णे दंसणसंपण्णे चरित्तसंपण्णे लजासंपण्णे लाघवसंपण्णे लजालाघवसंपण्णे ओयंसी तेयंसी वच्चंसी जसंसी जियकोहे जियमाणे जियमाए जियलोहे जियणिद्दे जिइंदिए जियपरीसहे जीवियासमरणभयविप्पमुके तवप्पहाणे गुणप्पहाणे करणप्पहाणे चरणप्पहाणे णिन्गहपहाणे णिच्छयप्पहाणे अजवप्पहाणे मद्दवप्पहाणे लाघवप्पहाणे खंत्तिप्पहाणे मुत्तिप्पहाणे विजप्पहाणे मंतप्पहाणे बम्भप्पहाणे वेयप्पहाणे णयप्यहाणे णियमप्पहाणे सच्चप्पहाणे (मोयप्पहाणे) सोयप्पहाणे णाणप्पहाणे दंसणप्पहाणे चरित्तप्पहाणे "चउदसपुत्वी, चउणाणोवगए पञ्चहिं अणगारसएहिं सद्धिं संपरिबुडे पुव्वाणुपुट्विं चरमाणे गामाएंगाम दूइजमाणे सुहंसुहेणं विहरमाणे जेणेव सावत्थी णयरी जेणेव कोट्टए चेइए तेणेव उवागच्छइ 2 त्ता सावीए णयरीए बहिया कोट्टए चेइए अहापडिरूवं उग्गहं
