________________ रायपसेणइयं य मंतेसु य गुज्झेसु य रहस्सेतु य णिच्छएसु य ववहारेसु य आपुच्छणिजे पडिपुच्छणिजे मेढी पमाणं आहारे आलम्बणं चक्खू मेदिभूए पमाणभूए आहारभूए आलबगभूए- चक्षुभूए सवट्ठाणसव्वभूमियासु लद्धपच्चए विइण्णवियारे रजधुराचिंतए यावि होत्था // 45 // तेणं कालेणं तेणं समएणं कुणाला णामं जणवए होत्था, रिद्धत्थिमियसमिद्धे० / तत्थ णं कुणालाए जणवए सावत्थी णामं णयरी होत्था रिद्धस्थिमियसभिद्धा जाव पडिरूवा / तीसे णं सावत्थीए णयरीए बहिया उत्तरपुरस्थिमे दिसीभाए कोट्ठए णामं चेइए होत्था, पोराणे जाव पासाईए 4 / तत्थ णं सावत्थीए णयरीए पए सिस्स रण्णो अंतेवासी जियसत्तू णामं राया होत्था, महया हिमवंत जाव विहरइ। तए णं से पएसी राया अण्णया कयाइ महत्थं महग्यं महरिहं विउलं रायारिहं पाहुडं सजावेइ 2 त्ता चित्तं सारहिं सद्दावेइ 2 त्ता एवं वयासी-"गच्छ णं चित्ता ! तुमं सावत्थि णयरिं, जियसत्तुस्स रण्णो इमं महत्थं जाव पाहुडं उवणेहि / जाइं तत्थ रायकजाणि य रायकिच्चाणि य रायणीईओ य रायववहारा य ताई जियसत्तुणा सद्धिं सयमेव पच्चुवेक्खमाणे 2 विहराहि" तिकट्ठ विसज्जिए // 46 // तए णं से चित्ते सारही पएसिणा रण्णा एवं वुत्ते समाणे हट्ट जाव पडिसुणेत्ता तं महत्थं जाव पाहुडं गेण्हइ 2 त्ता पए सिस्स रण्णो जाव पंडिणिक्खमइ 2 त्ता सेयवियाए णयरीए मज्झंमज्झेणं जेणेव सए गिहे तेणेव उवागच्छइ 2 ता तं महत्थं जाव पाहुडं ठवेइ 2 त्ता कोडुम्बियपुरिसे सद्दावेइ 2 त्ता एवं वयासी-"खिप्पामेव भो देवाणुप्पिया ! सच्छत्तं जाव चाउग्घंटे आर्सरहं जुत्तामेव उवट्ठवेह जाव पञ्चप्पिणह” / तए णं ते कोडुम्बियपुरिसा तहेव पडिसुणित्ता खिप्पामेवं सच्छत्तं जाव जुद्धसजं चाउघंट आसरहं जुत्तामेव उवट्ठति, तमाणत्तियं पञ्चप्पिणंति / तए णं से चित्ते सारही कोडुम्बियपुरिसाणं अंतिए एयमढे जाव हियए ण्हाए कयबलिकम्मे कयकोउयमंगलपायच्छित्ते संणद्धबद्धवम्मियकवए उप्पीलियसरासणपट्टिए पिणद्धगेवेजविमलवरचिंधपट्टे गहियाउहपहरणे तं महत्थं जाव पाहुडं गेहइ 2 त्ता जेणेव चाउघंटे आसरहे तेणेव उवागच्छइ 2 त्ता चाउग्घंटं आसरहं दुरुहइ दुरुहित्ता बहूहिं पुरिसेहिं संणद्ध जाव गहियाउहपहरणेहिं सद्धिं संपरिखुडे सको. रिटमल्लेदामेणं छत्तेणं धरिज्जमाणेणं महया भडचडगररहपहकरविंदपरिक्खित्ते साओ गिहाओ णिग्गच्छइ 2 त्ता सेयवियाए णयरीए मज्झंमज्झेणं णिग्गच्छइ 2 त्ता सुहेहिं वासेहिं पायरासेहिं णाइविकिट्रेहिं अंतरावासेहिं वसमाणे 2 केइयअद्धस्स
