________________ / मुनिवसन-सिद्धिः / वितथवादशिरोमणितां दधत्, विगतवस्त्र इदं जिनशास्त्रगम् / अनृतमाह सुशुद्धसितांबरान् , विविधमोहमुदीरयितुं रयात् // 1 // गणभृता गदितं सितवाससां, प्रथमशास्त्रगतं जिनकल्पिनाम् / पदमधारयतां सिचयावली, प्रथममिद्धगुणा, ननु नग्नता // 2 // वितथवादमिमं गतवाससां, गतहृदस्तष मन्वत आस्तिकैः / / कृतममन्यत नाप्तमतं यकै-र्वचनमागमगं श्रवणे सुधीः // 3 // . श्रुतमतं जिमवीरविभोर्न किं, वसनधारणमब्दमुपाश्रितम् / अधिकमासयुतं सुरनायक-प्रणतपादयुगस्य दिगंबर ! // 4 // श्रुतसमुच्चय आद्य उदीरितं, विमलसंयमशालिजिनांसगम् / / सिचयमाप्तवरैः प्रथमेऽङ्गके, कथय दिग्वसनोऽनृतवाग् न किम् / / 5 / / सुरवितीर्णमुपाश्रित्तवान् जिनो-ऽम्बरमिति प्रतिपादितवान् गणी / श्रुतसमुच्चय उसर आदिमे- इह साधुसमूहविराजितः // 6 // जगदुरर्हदुपासनतत्परा, गणिवराः श्रुतसागरपारगाः / वसनमानमुदस्तपरिग्रहा, मनसि बोटिक ! तन् ननु चिन्तय // 7 // गणधराः समवायकृत्तान्तगं, वच इहोदितवन्त उदित्वरम् / चरमतीर्थपतेर्वसनादृता-बधिकवर्षमिति प्रविचिन्तय // 8 // इषुमितेऽङ्ग उवाच गणाधिपो, विपुलपर्वत आदृतपादपे / ऋषिवरे खलु खन्धक आर्हती, समुचित्तापकृतिं ननु पश्य तत् / / 9 / /
