________________ [68] पञ्चकल्प-भाष्ये तो ओहिणा पासित्ता माहणपुत्तत्त णगरमुसुगारो। सो माहणो अपुत्तो पुच्छति मित्तिए बहवे // 613 // ते काउ समणरूवं उसुगारपुरम्मि आगता कहए। बहुजण तीतादीण तो पुच्छे माहणो ते उ // 614 // होज्जऽम्ह किं वऽवच्चं पञ्चाह चुया दिया तु होहिंति / दो जमलदारगा तू कुमारगा पव्वइस्संति // 615 // मा तेसि करेज्जासी विग्घमवस्सं च तेसि पव्वजा। होही वोत्तूण गता चइत्तु उववन्नया तेसिं // 616 // घालत्तऽम्मापितरो भणंति समणाण सरिसरूवेणं / रक्खस माणुसखाता भमंति दळूण ते पुत्ता // 617 // मा तेसि अल्लिएजह दूरंदूरेण परिहरेज्जाह / मा भक्खेज्जा ते भे तेवि य तेसिं पडिसुणेति // 18 // रत्थादि जत्थ पासंति संजए ते तओ पलायंति / अह अन्नया नगरबहिं चेडे पासंति वंदते // 619 // बिंति य अम्मापितरो दिट्ठाऽम्हे चेड वंदमाणा तु / णवि समणरूव रक्खस भक्खिति च चेडरूवाई 620 चिंतेतऽम्मापितरो अतिवीसत्था इमे तु जाय त्ति। मा पव्वएज्ज इहर्ति अल्लियमाणा तु समणाणं 621
