________________ सुभाषित सूक्तरत्नमाला छिन्नमलो यथा वृक्षो, गतशीर्षों यथा भटः। धर्महीनो धनी तद्वत्, कियत्कालं ललिष्यति ? // 15 // धरान्तस्थं तरोर्मूलं, उच्छ्रयेणाऽनुमीयते / अद्रष्टोपि तथा प्राच्य-धर्मो लक्ष्येत संपदा // 16 // निपानमिव मण्डूकाः, सरः पूर्णमिवाण्डजाः / शुभकर्माणमायान्ति, विवशाः सर्वसंपदः // 17 // कल्पद्रुमः कल्पितमात्रदायी, चिन्तामणिश्चिन्तितमेव दत्ते / जिनेन्द्रधर्मातिशयं विचिन्त्य, द्वयेऽपिलोको लघुतामवैति॥१८॥ दृष्ट्वा धर्मस्य माहात्म्यं, यः फलेन विशेषितम् / न प्रशान्तमनाः सम्यक्, स तु कृत्रिमधर्मवित् // 19 // प्रशान्तं मानसं यस्य, सर्वाङ्गिषु कृपाऽद्भुता। राजन् ! धर्मस्य सर्वस्वं, तेन ज्ञातं यथास्थितम् // 20 // धर्मजीवितयोर्मध्ये, धर्ममेव वरं नृणाम्, जीवितं सुलभं लोके, विना यत्नं भवे भवे // 21 // यत्कल्याणकरोऽवतारसमयः स्वप्नानि जन्मोत्सवो, यद्रत्नादिकवृष्टिरिन्द्ररचिता यद् रूपराज्यश्रियः। यदानं व्रतसंपदुज्ज्वलतरा यत्केवलश्रीर्जिने, यद्रम्यातिशयाः तदेतदखिलं धर्मस्य विस्फूर्जितम् // 22 // एक एव सुहृद्धर्मों, मृतमप्यनुयाति यः। शरीरेण समं नाशं, सर्वमन्यत् तु गच्छति // 23 //
