________________ 298 सुभाषितसूक्तरत्नमाला किं एस कामकुंभो, किं वा चिंतामणी हु य नवकारो। कि कप्पतरू, एसो न हु न हु ताणंपि अहिययरो // 9 // कामघडो देवमणी, सुररुक्खो एगजम्म मुहहेऊ / नवकारो पुण पवरो, सग्गऽपवग्गाण दायारो // 10 // सत्तरिकोडाकोडी-सायरमाणे इमंमि भोहणीए / कोडाकोडीसेसे, नवकारो मुहज्जिओ होइ / / 11 // जं किंपि परमतत्तं परमप्पयकारणं च जं किंचि। तत्थ इमो नवकारो, झाइज्जइ परमजोगीहिं // 12 // पणव-हरिया-रिहा(उही अह)इह मंतहबीयाणि सप्पहावाणि। सव्वेसिं तेसि मूलं, इको नवकारवरमंतो // 13 // जो गुणइ तिथि (15) लक्खं, पूएइ विहीइ जिगनमुक्कारं / तित्थयरनामगुत्तं, सो बंधइ नत्थि संदेहो / 14 // अहेव य अहसया, अट्ठसहस्सं च अट्ठकोडीओ। जो गुणइ भत्तिजुत्तो, सो तइयभवे लहइ सिद्धि // 15 // करआवत्तिहिं जो, पंचमंगलं साहुपडिमसंखाए। नववारा आवत्तइ, छलंति नो तं पिसायाई // 16 // न य तस्स किचि पहवइ, डाइणिवेयालरक्खमारिभयं / नवकारपहावेण य, नासंति असेसदुरियाई // 17 // थंभेइ जलं जलणं, चिंतियमित्तो वि पंचनमुक्कारो। अरिमारिचोरराउल-घोरुवसग्गं पणासेई // 18 //
