________________ कविचातुर्यसूक्तानि बाल्ये मुतानां सुरतेऽङ्गनानां, स्तुती कवीनां समरे भटानाम् / त्वङ्कारयुक्ता हि गिरः प्रशस्ताः,कस्ते प्रभो ! मोहभरः स्मर त्वम्।। नपुंसकमिति ज्ञात्वा, प्रियायै प्रेषितं मनः / तत्तु तत्रैव रमते, हता पाणिनिना वयम् // 14 // मोमारामममादन्दो, हयागदलनम्भषाः / एते यस्य य विद्यन्ते, तं देवं प्रणमाम्यहम् // 15 // मुद्गदाली गदव्याली, कवीन्द्रा वितुषा कथम् / अन्धोवल्लभसंगेन, जाता विगतकचुका // 16 // कियन्मानं जलं विप्र ! जानुदघ्नं नराधिप / ईदृशी किमवस्था ते, न हि सर्वे भवादृशाः // 17 // तिमिरारिस्तमो हन्ति भीतिशङ्कितमानसाः। वयं काका वयं काका, इति जल्पन्ति वायसाः // 18 // सीमन्तिनीषु का कान्ता, रांजा कोऽभूत् गुणोत्तमः / विद्वद्भिः का सदा वन्द्या, अत्रैवोत्तरमीक्षताम् // 19 // न लगेन् नागनारङ्गे, निम्बस्तुम्वे पुनर्लगेत् / लगेत्युक्ते लगेन्नैव, मा मेत्युक्ते भृशं लगेत् // 20 // लक्ष्मीखेदनिषेधार्थ-ब्रह्मचक्राङ्गशर्मणाम् / के शब्दा वाचकाः खान्तं, ब्रहि किं गान्तमिच्छसि // 21 // अर्थिनां का सदा चित्ते, का दग्धा कपिना पुरा / इक्षुयष्टेः किमिच्छन्ति, किं च हंसस्य सुन्दरम् // 22 //
