________________ श्रीनिरयावलिकासूत्रं : पुष्पिका वर्गः 3 / [ 487 सोलसेहिं संवच्छरेहिं बत्तीसं दारगरूवे पयाति 1 / तते णं सा सोमा माहणी तेहिं बहूहिं दारिगेहि य दारियाहि य कुमारएहि य कुमारियाहि य डिभएहि य डिभियाहि य अप्पेगइएहि उत्ताणसेजएहि य अप्पेगइएहि य थणियाएहि य अप्पेगइएहिं पीहगपाएहिं अप्पेगइएहिं परंगणएहि अप्पेगइएहिं परकममाणेहिं अप्पेगइएहिं पक्खोलणएहि अप्पेगइएहिं थणं मग्गमाणेहि अप्पेगइएहि खीरं मग्गमाणेहिं अप्पेगइएहिं खिल्लणयं मग्गमाणेहि अप्पेगइएहिं खजगं मग्गमाणेहि अप्पेगइएहि कूरं मग्गमाणेहिं पाणियं मग्गमाणेहि हसमाणेहिं रूसमाणेहिं अंकोसमाणेहि अक्कुस्समाणेहि हणमाणेहिं हम्ममाणेहिं विष्पलायमाणेहिं अणुगम्ममाणेहिं रोवमाणेहिं कंदमाणेहिं विलवमाणेहिं कूवमाणेहिं उक्षमाणेहिं निदायमाणेहिं पलवमाणेहिं दहमाणेहिं(दवमाणेहि, हममाणेहि, हदमाणेहिं) वममाणेहिं छेरमाणेहिं सुन(भुत)माणेहिं मुत्तपुरीसवमियसुलित्तोवलित्ता मइलवसणपुवड(दुबला) जाव अइसुबीभच्छा परमदुग्गंधा नो संचाएइ रटुकडे णं सद्धिं विउलाई भोगभोगाई भुजमाणी विहरित्तए 2 / तते णं से सोमाए माहणीए अण्णया कयाइ पुव्वरत्तावरत्तकालसमयंसि कुडुबजागरियं जागरमाणीए अयमेयारूवे जाव समुप्पजित्थाएवं खलु ग्रहं इमेहिं बहूहिं दारगेहि य जाव डिभियाहि य अप्पेगइएहि उत्ताणसेजएहि य जाव अप्पेगइएहि सुत्तमाणेहिं दुज्जाएहिं दुजम्मएहिं हयविप्पहयभग्गेहिं एगप्पहारपडिएहिं जेणं मुत्तपुरीसवमियसुलित्तोवलित्ता जाव परमदुभिगंधा नो संचाएमि रट्टकूडेण सद्धिं जाव भुजमाणी विहरित्तए 3 / तं धन्नायो णं तायो अम्मयायो जाव जीवियफले जायो णं वंझायो अवियाउरीयो जाणुकोप्परमायाश्रो सुरभिमुगंधगंधियायो विउलाई माणुस्सगाइ भोगभोगाइं भुजमाणीयो विहरंति, अहं णं अधन्ना अपुराणा अकयपुराणा नो संचाएमि रटकूडेण सद्धि विउलाई जाव विहरितए 4 // सू० 18 // तेणं कालेणं 2 सुव्वयायो नाम अजायो इरिया
