________________ श्रीनिरयावलिकासूत्रं : निरयावलिकावर्गः 1 ] [ 461 3 // सू० 36 // तए णं तस्स वेहल्लस्स कुमारस्स कूणिएणं रन्ना अभिक्खणं 2 सेयणगं गंधहत्थिं अट्ठारसर्वकं च हारं एवं अक्खिविउ. कामेणं गिरिहउकामेणं उद्दालेउकामेणं ममं कूणिए राया सेयणगं गंधहत्थि अट्ठारसर्वकं च हारं तं जाव न उद्दालेइ ताव ममं कूणिए राया सेयणगं गंधहत्थि अट्ठारसर्वकं च हारं गहाय अंतेउरपरियालसंपरिवुडस्स सभंडमत्तोवकरणमाताए चंपातो नयरीतो पडिनिक्खमित्ता वेसालीए नयरीए अजगं चेडयं रायं उवसंपजित्ताणं विहरित्तए, एवं संपेहेति 2 कूणियस्स रन्नो अंतराणि जाव पडिजागरमाणे 2 विहरति 1 / तते णं से वेहल्ले कुमारे अन्नदा कदाइ कूणियस्स रन्नो अंतरं जाणति 2 सेयणगं गंधहत्थि अट्ठारसवंकं च हारं गहाय अंतेउरपरियालसंपरिखुडे सभंडमत्तोवकरणमायाए चंपायो नयरीतो पडिनिक्खमति 2 जेणेव वेसाली नगरी तेणेव उवागच्छति, वेसालीए नगरीए अजगं चेडयं उवसंपजित्ता णं विहरति 2 // सू० 37 // तते णं से कूणिए राया इमीसे कहाए लट्ठ समाणे एवं खलु वेहल्ले कुमारे ममं असंविदितेणं सेयणगं गंधहत्थिं अट्ठारसवंकं च हारं गहाय अंतेउरपरियालसंपरिबुडे जाव अजयं चेडयं रायं उवसंपजित्ता णं विहरति, तं सेयं खलु ममं सेयणगं गंधहत्थि अट्ठारसवंकं च हारं दूतं पेसित्तए, एवं संपेहेति 2 दूतं सदावेति 2 एवं वयासि-गच्छह णं तुमं देवाणुप्पिया ! वेसालि नगरि, तत्थ णं तुमं ममं अज्ज चेडगं रायं करतल जाव वद्धावेत्ता एवं वयासि-एवं खलु सामी! कूणिए राया विनवेति, एस णं वेहल्ले कुमारे कणियस्स रन्नो असंविदितेणं सेयणगं गंधहत्थिं अट्ठारसवंकं च हार गहाय हव्वमागते, तए णं तुन्भे सामी! कूणियं रायं अणुगिगहमाणा सेणगं गंधहत्थि अट्ठारसर्वकं च हारं कूणियस्स रन्नो पञ्चपिणह, वेहल्लं कुमारं च पेसेह 1 / तते णं से दूए कूणिए राए एवं वुत्ते समाणे करतल जाव पडिसुणित्ता जेणेव सते गिहे
