________________ श्रीनिरयावलिकासूत्र :: कल्पिकावर्गः 1 / / 455 गभं बहूहिं गम्भसाडणेहि य गब्भपाडणेहि य गभगालणेहि य गम्भविद्धंसणेहि य इच्छति साडित्तए वा पाडित्तए वा गालित्तए वा विद्धंसित्तए वा, नो चेव णं से गम्भे सडति वा पडति वा गलति वा विद्धंसति वा 6 / तते णं सा चिल्लणा देवी तं गम्भं जाहे नो संचाएति बहहिं गब्भसाडएहि य जाव गब्भविद्धंमणेहि य साडित्तए वा जाव विद्धंसित्तए वा, ताहे संता तंता परितंता निम्विन्ना समाणा अकामिया अवसवसा अट्टक्सट्टदुहट्टा तं गभं परिवहति 7 // सू० 24 // तते णं सा चिल्लणा देवी नवराहं मासाणं बहुपडिपुराणाणं जाव सोमालं सुरूवं दारयं पयाया 1 / तते णं तीसे चेलणाए देवीए इमे एतारूवे जाव समुप्पजित्था-जइ ताव इमेणं दारएणं गभगएणं चेव पिउणो उदरवलिमसाई खाइयाई, तं न नजइ णं एस दारए संवड्डमाणे अम्हं कुलस्स अंतकरे भविस्सति, तं सेयं खलु अम्हं एयं दारगं एगंते उकुरुडियाए उज्मावित्तए एवं संपेहेति 2 दासचेडिं सदावेति 2 एवं वयासी-गच्छह णं तुम देवाणुप्पिए एयं दारगं एगंते उकुरुडियाए उज्झाहि 2 / तते णं सा दासचेडी चेल्लणाए देवीए एवं वुत्ता समाणी करतल जाव कटु चिलणाए देवीए एतमट्ठ विणएणं पडिसुणेति 2 तं दारगं करतलपुडेणं गिराहति 2 जेणेव असोगवणिया तेणेव उवागच्छति 2 तं दारगं एगते उकुरुडियाए उज्माति 3 / तते णं तेणं दारएणं एगते उकुरुडियाए उज्झितेणं समाणेणां सा असोगवणिया उज्जोविता यावि होत्था 4 // सू० 25 // तते णं से सेणिए राया इमीसे कहाए लट्ठ समाणे जेणेव असोगवणिया तेणेव उवागच्छति 2 तं दारगं एगते उकुरुडियाए उझियं पासेति 2 श्रासुरुत्ते जाव मिसिमिसेमाणे तं दारगं करतलपुडेणं गिराहति 2 जेणेव चिलणा देवी तेणेव उवागच्छति 2 चेल्लणं देविं उच्चावयाहिं पायोसणाहिं श्रायोसति 2 उच्चावयाहिं निभच्छणाहिं निभच्छेति 2 एवं उद्धंसणाहिं उद्धंसेति 2 एवं
