________________ 21 / [ श्रीमदागमसुधासिन्धुः / सप्तमो विभागः भवइ 2 / से निक्खममाणे सूरिए णवं संवच्छरं श्रयमाणे पढमंसि अहोरतंसि उत्तराए अंतराए भागाए तस्साइपएसाए अभंतराणंतरं दाहिणं अद्धमंडलसंठिई उवसंकिमित्ता चारं चरई 3 / ता जया णं सूरिए अभंतराणंतरं दाहिणं अद्धमंडलसंठिई उवसंकमित्ता चारं चरइ तया णं अट्ठारसमुहुत्ते दिवसे भवइ दोहिं एगट्ठिभागमुहुत्तेहिं ऊणे, दुवालसमुहुत्ता राई भवइ दोहिं एगट्ठिभागमुहुत्तेहिं अहिया 4 / से णिक्खममाणे सूरिए दोच्चंसि अहोरत्तंसि दाहिणाए अंतराए भागाए तस्साइपएसाए अभितराणंतरं तच्चं उत्तरं श्रद्धमंडलसंठिई उपसंकमित्ता चारं वरइ 5 / ततो जयाणं सूरिए अम्भितराणंतरं तच्चं उत्तरं श्रद्धमंडलसठिई उपसंकमित्ता चारं चरइ तता णं दिवसराइपमाणं तं चेव भाणियव्वं (तया णं अट्ठारसमुहुत्ते दिवसे भवइ चरहिं एगट्ठिभागमुहुत्तेहिं ऊणे, दुवालसमुहुत्ता राई भवइ चउहिं एगट्ठिभागमुहुत्तेहिं अहिया) 6 / एवं खलु एएणं उवाएणं निक्खममाणे सूरिए तयाणंतरायो तयाणंतरं मंडलायो मंडलं संकममाणे तंसि तंसि देसंसि तं तं अद्धमंडलसंठिई संकममाणे 2 उत्तराए अंतराए भागाए तस्साइपएसाए सव्वबाहिरं दाहिणं श्रद्धमंडलसंठिई उवसंकमित्ता चारं चरइ 7 / ता जया | सूरिए सव्वबाहिरं दाहिणं श्रद्धमंडलसंठिई उवसंकमित्ता चारं चरइ तया णं उत्तमकट्ठपत्ता उक्कोसिया अट्ठारसमुहुत्ता राई भवइ, जहराणए दुवालसमुहुत्ते दिवसे भवइ 8 / एस.णं पढमे छम्मासे, एस णं पढमस्स छम्मासस्स पजवसाणे 1 / से पविसमाणे सूरिए दोच्चं छम्मासं अयमाणे पढमंसि अहोरत्तंसि दाहिणाए अंतराए भागाए तस्साइपएसाए बाहिराणंतरं उत्तरं श्रद्धमंडलसंठिई उवसंकमित्ता चारं चरइ 10 / ततो जया णं सूरिए बाहिराणंतरं उत्तरं श्रद्धमंडलसंदिई उवसंकमित्ता चारं चरइ तया णं अट्ठारसमुहुत्ता राई भवइ दोहिं एगट्ठिभागमुहुत्तेहिं ऊणा, दुवालसमुहुत्ते दिवसे भवइ दोहिं एगट्ठिभागमुहुत्तेहिं अहिए 11 / से पविसमाणे सूरिए
