________________ 56 ] [ श्रीमदागमसुधासिन्धुः :: षष्ठो विभागः चउव्वीसाए पायरक्ख-देवसाहस्सी अन्नेसि च बहूणं दाहिणिल्लागां नागकुमाराणां देवाण य देवीण य आहेवच्चं पोरेवच्चं कुव्वमाणे विहरइ 10 / कहि णं भंते ! उत्तरिल्लागां णागकुमाराणां देवाणां पजत्तापजत्तागां ठाणा पनत्ता ?, कहि णं भंते ! उत्तरिल्ला नागकुमारा देवा परिवसंति ?, गोयमा ! जंबुद्दीवे दीवे मंदरस्स पव्वयस्त उत्तरेगां इमीसे रयणप्पभाए पुढवीए असीउत्तरजोयण-सयसहस्स-बाहल्लाए उवरिं एगं जोयणसहस्सं योगाहित्ता हेट्ठा चेगं जोयणसहस्सं वजित्ता मज्झे अट्टहुत्तरे जोयणसयसहस्से एत्थ णं उत्तरिल्लागां नागकुमाराां देवाणं चत्तालीसं भवणावास-सयसहस्सा भवतीति मक्खयं, ते णं भवणा बाहिं वट्टा सेसं जहा दाहिणिल्लाणं जाव विहरंति, भूयागांदे एत्थ नागकुमारिंदे नागकुमारराया परिवसइ, महिड्डीए जाव पभासेमाणे, से णं तत्थ चत्तालीसाए भवणावाससयसहस्साणां आहेबच्चं जाव विहरइ 11 / कहि णं भंते ! सुवन्नकुमाराणां देवागां पजत्तापजतागां ठाणा पन्नत्ता ?, कहि णं भंते ! सुवन्नकुमारा देवा परिवसंति ?, गोयमा ! इमीसे रयणप्पभाए पुढवीए जाव एत्थ णं सुवनकुमारागां देवाणं बावत्तरि भवणावाससयसहस्सा भवंतीति मक्खायं, ते णं भवणा बाहिं वट्टा जाव पडिरूवा, तत्थ णं सुवन्नकुमाराां देवाणं पजत्तापजत्तागां ठाणा पन्नत्ता, जाव तिसुवि लोगस्स असंखेजइभागे, तत्थ णं बहवे सुवन्नकुमारा देवा परिवसंति महिड्डिया सेसं जहा श्रोहियाणां जाव विहरंति, वेणुदेवे वेणुदाली य इत्थ दुवे सुवरणकुमारिदा सुवरणकुमाररायाणो परिवसंति, महट्ठिया जाव विहरंति 12 / कहि णं भंते / दाहिणिलाणां सुवरणकुमाराणां पजत्तापजतागां ठाणा पन्नत्ता ?, कहि णं भंते ! दाहिणिला सुवराणकुमारा देवा परिवसंति ?, गोयमा ! इमीसे जाव मज्झे अट्टहुत्तरे जोयणसयसहस्से एत्थ णं दाहिणिलागां सुवरणकुमाराणां अट्ठत्तीसं भवणावास-सयसहस्सा भवंतीति मक्खायं, ते णं भवणा बाहिं वट्टा जाव पडिरूवा, एत्थ णं दाहिणिलाणां
