________________ श्रीमत्प्रज्ञापनोपाङ्ग-मूत्रम् :: पदं 2 ] [ 49 ठाणा पन्नत्ता ?, गोयमा ! उडलोए तदेकदेसभाए ग्रहोलोए तदेकदेसभाए तिरियलोए अगडेसु तलायेसु नदीसु दहेसु वावीसु पुक्खरिणीसु दीहियासु गुंजालियासु सरेसु सरपंतियासु सरसरपंतियासु बिलेसु विलपंतियासु उज्झरेसु निझरेसु चिललेसु पल्ललेसु वप्पिणेसु दीवेसु समुद्देसु सव्वेसु चेव जलासएसु जलठाणेसु, एत्थ णं पंचिंदिय-तिरिक्खजोणियाणं पजत्तापज्जत्ताणं ठाणा पन्नत्ता, उववाएणं लोयस्स असंखेजइभागे, समुग्घाएणं लोयस्स असंखेजइभागे, सहाणेणं लोयस्स असंखेजइभागे // सू० 44 // कहि णं भंते ! मणुस्साणं पजत्तापजत्ताणं ठाणा पन्नत्ता ?, गोयमा ! अंतो मणुस्सखेत्ते पणयालीसाए जोयणसयसहस्सेसु अड्डाइज्जेसु दीवसमुद्देसु पन्नरससु कम्मभूमीसु तीसाए अकम्मभूमीसु छप्पन्नाए अंतरदीवेसु, एत्थ णं मणुस्साणं पजत्तापजत्ताणं ठाणा पन्नत्ता, उववाएण लोयस्स असंखेजइभागे, समुग्घाएणं सव्वलोए, सट्टाणेणं लोयस्स असंखेजइभागे // सू० 45 // कहि णं भंते ! भवणवासीणं देवाणं पजत्तापजत्ताणं ठाणा पन्नत्ता ?, कहि गां भंते ! भवणवासी देवा परिवसंति ?, गोयमा ! इमीसे रयणप्पभाए पुढवीए असीउत्तर-जोयण-सयसहस्स-बाहल्लाए उवरिं एगं जोयणसहस्सं श्रोगाहित्ता हेट्ठा चेगं जोयणसहस्सं वजित्ता मज्झे अट्टहुत्तरे जोयणसयसहस्से, एत्थ णं भवणवासीणं देवाणं सत्त भवणकोडीयो बावत्तरि भवणावास-सयसहस्ता भवंतीति मक्खायं, ते णं भवणा बाहिं वट्टा अंतो चउरंसा अहे पुक्खरकन्निया-संठाणसंठिया उकिन्नंतर विउल-गंभीर-खातफलिहा पागारट्टालय-कवाड-तोरण-पडिदुवार--देसभागा जंतसयग्धि-मुसल-मुसंदिपरियारिया अउज्मा सदाजया सदागुत्ता अडयाल-कोट्टग-रइया यडयालकयवण-माला खेमा सिवा किंकरामर-दंडोवरक्खिया लाउलोइय-महिया गोसीस-परस-रत्तचंदण-दहर दिन्न-पंचंगुलितला उचिय-चंदणकलसा चंदणघडसुकय-तोरण-पडिदुवार-देसभागा घासत्तोसत्त-विउल-बट्ट-वग्धारिय-मल्ल
