________________ 48 ] [ श्रीमदागमसुधासिन्धुः // षष्ठो विभागः निव्वं तत्था निच्चं तसिया निच्चं उविग्गा निच्चं परममसुहसंबद्धं नरगभयं पञ्चणुभवमाणा विहरंति 6 / कहि णं भंते ! तमतमा-पुढवीनेरइयाणं पजत्तापजत्ताणं ठाणा पन्नत्ता ?, कहि णं भंते ! तमतमा-पुढवीनेरइया परिवसंति ?, गोयमा ! तमतमाए पुढवीए अट्टोत्तर-जोयण-सयसहस्स-बाहल्लाए उवरि श्रद्धतेवन्नं जोयणसहस्साई भोगाहित्ता हेटावि अद्धतेवन्नं जोयणसहस्साई वजित्ता मज्झे तीसु जोयणसहस्सेसु एत्थ णं तमतमा-पुढवीनेरइयाणं पजत्तापजत्ताणं पंचदिसि पंच श्रणुत्तरा महइमहालया महानिरया पन्नत्ता, तंजहाकाले महाकाले रोरुए महारोरुए अपइट्टाणे, ते णं गरगा अंतो वट्टा बाहिं चउरंसा अहे खुरप्पसंगणसंठिया निच्चंधयारतमसा ववगय-गहचंद-सूरनक्खत्तजोइसियपहा मेदवसा-पूयपडल-रुहिरमंस-चिक्खिल्ल-लित्ताणुलेवणतला असुइवीसा परमदुन्भिगंधा कक्खडफासा दुरहियासा असुभा नरगा असुभा नरगेसु वेयणाश्रो, एत्थ णं तमतमा-पुढवीनेरझ्याणं पजत्ताऽपजत्ताणं ठाणा पन्नत्ता, उववाएणं लोयस्स असंखेजइभागे समुग्घाएणं लोयस्स असंखेजइभागे सट्ठाणेणं लोयस्स असंखेजइभागे तत्थ णं बहवे तमतमापुढवीनेरइश्रा परिवसंति, काला कालोभासा गंभीरलोमहरिसा भीमा उत्तासणगा परमकिराहा वन्नेणं पन्नत्ता, समणाउसो !, ते णं निच्चं भीता निच्चं तत्था निच्चं तसिया निच्चं उविग्गा निच्चं परममसुहसंबद्धं गरगभयं पचणुभवमाणा विहरंति 7 / वासीयं बत्तीसं अट्ठावीसं च हुंति वीसं च / अट्टारससोलसगं अठ्ठत्तरमेव हिट्ठिमिया // 134 // अठ्ठत्तरं च तीसं छब्बीसं चेव सयसहस्सं तु / अट्ठारस सोलसगं चउद्दसमहियं तु छट्ठीए // 135 // अद्धतिवन्नसहस्सा उवरिमऽहे वजिऊण तो भणियं / मज्झे तिसहस्सेसु होंति उ नरगा तमतमाए // 136 // तीसा य पन्नवीसा पन्नरस दसेव सयसहस्साई। तिन्नि य पंचूणेगं पंचेव अणुत्तरा नरगा // 137 // // सू० 43 // कहि णं भंते ! पंचिंदिय-तिरिक्खजोणियाणं पजत्तापजत्ताणं
